ಸಾವಿರಾರು ರೂಪಾಯಿ ಕೊಟ್ಟು ಕೊಳ್ಳುವ ರೇಷ್ಮೆ ಸೀರೆಯನ್ನು ಸರಿಯಾಗಿ ಜೋಪಾನ ಮಾಡದಿದ್ದರೆ ಮೂರು, ನಾಲ್ಕು ಬಾರಿ ಹಾಕಿದ ನಂತರ ಹಳತೆನಿಸುತ್ತದೆ. ವರುಷ ಕಳೆದರೂ ಸೀರೆ ತನ್ನ ಮೊದಲಿನ ಸೊಬಗು ಕಳೆದುಕೊಳ್ಳದಂತೆ ಜೋಪಾನ ಮಾಡುವುದು ಹೇಗೆ ಎಂಬುದು ಗೊತ್ತೇ?
* ಸೀರೆಯನ್ನು ಹತ್ತಿ ಬಟ್ಟೆಯಲ್ಲಿ ಸುತ್ತಿ ಇಡಿ. ಆಗಾಗ್ಗೆ ಬಿಸಿಲಿಗೆ ಒಣಗಿಸಿ.
* ಸೀರೆಯನ್ನು ಪ್ರತಿ ಬಾರಿ ಧರಿಸಿದ ನಂತರ ಡ್ರೈಕ್ಲೀನ್‌ ಮಾಡಿಸಬೇಡಿ. ಇದರಿಂದ ಬಣ್ಣ ಮಾಸಿದಂತಾಗುತ್ತದೆ. ಎರಡು, ಮೂರು ಬಾರಿ ಸೀರೆ ಧರಿಸಿದ ನಂತರ ಡ್ರೈ ಕ್ಲೀನ್‌ ಮಾಡಿಸಿ.
* ರೇಷ್ಮೆ ಸೀರೆಯ ಮೇಲೆ ಯಾವುದೇ ಬಾಡಿ ಸ್ಪ್ರೇ, ಸುಗಂಧ ದ್ರವ್ಯ ಹಾಕಬೇಡಿ.
* ಸೀರೆ ಮೇಲೆ ಕಲೆಯಾಗಿದ್ದರೆ ಸಾಬೂನಿನಿಂದ ತೊಳೆಯಬೇಡಿ. ಶ್ಯಾಂಪೂನಿಂದ ತೊಳೆಯಿರಿ. ತಣ್ಣೀರನ್ನು ಬಳಸಿ. ಯಾವುದೇ ಕಾರಣಕ್ಕೂ ವಾಷಿಂಗ್‌ ಮೆಷಿನ್‌, ಬ್ರಷ್‌, ಬಿಸಿನೀರು ಬಳಸದಿರಿ.
* ಸೀರೆಯನ್ನು ತುಂಬಾ ದಿನಗಳವರೆಗೆ ಮಡಚಿ ಇಡಬೇಡಿ. ಎರಡು, ಮೂರು ತಿಂಗಳಿಗೊಮ್ಮೆ ಬಿಡಿಸಿ ಮತ್ತೊಮ್ಮೆ ಮಡಚಿ ಇದರಿಂದ ಸೀರೆ ಹಾಳಾಗುವುದಿಲ್ಲ.
