ಭಾನುವಾರ, ಆಗಸ್ಟ್ 1, 2021
26 °C

ಆನೆ ಹತ್ಯೆ ಪ್ರಕರಣ | ತನಿಖೆ ಚುರುಕು: ಒಬ್ಬನ ಬಂಧನ

ಪಿಟಿಐ Updated:

ಅಕ್ಷರ ಗಾತ್ರ : | |

ಪಾಲಕ್ಕಾಡ್‌: ಇಲ್ಲಿ ನಡೆದ ಗರ್ಭಿಣಿ ಕಾಡಾನೆ ಹತ್ಯೆ ಪ್ರಕರಣಕ್ಕೆ ಸಂಬಂಧಿಸಿದಂತೆ ಆರೋಪಿಯೊಬ್ಬನನ್ನು ಶುಕ್ರವಾರ ಬಂಧಿಸಲಾಗಿದೆ. 

ಬಂಧಿತನನ್ನು ವಿಲ್ಸನ್‌ ಎಂದು ಗುರುತಿಸಲಾಗಿದೆ.

‘ಪ್ರಕರಣದಲ್ಲಿ ಇನ್ನೂ ಕೆಲವರು ಭಾಗಿಯಾಗಿದ್ದು, ಅವರ ಬಂಧನಕ್ಕೂ ಪ್ರಯತ್ನ ಮುಂದುವರಿದಿದೆ’ ಎಂದು ಕೇರಳದ ಅರಣ್ಯ ಸಚಿವ ಕೆ.ರಾಜು ಸುದ್ದಿಗಾರರಿಗೆ ತಿಳಿಸಿದರು.

ಎರಡು ವಾರ ಆಹಾರ ಸೇವಿಸಿರಲಿಲ್ಲ: ಮೃತಪಟ್ಟ ಕಾಡಾನೆಯ ಬಾಯಿಯಲ್ಲಿ ದೊಡ್ಡ ಗಾಯವಿತ್ತು. ಸ್ಫೋಟದಿಂದಲೇ ಇದು ಸಂಭವಿಸಿರಬಹುದು. ಇದರಿಂದಾದ ನೋವಿನ ಕಾರಣದಿಂದ ಎರಡು ವಾರಗಳ ಕಾಲ ನೀರು ಕುಡಿಯಲಾಗದೆ, ಏನನ್ನೂ ತಿನ್ನಲಾಗದ ಸ್ಥಿತಿಯಲ್ಲಿ ಆನೆಯಿತ್ತು. ಬಾಯಿಯೊಳಗೆ ಸೋಂಕಾಗಿ ಹುಳುಗಳು ತುಂಬಿದ್ದವು. ನಿತ್ರಾಣವಾದ ಆನೆ ನೀರಿನಲ್ಲೇ ಮುಳುಗಿದೆ. ಆನೆಯ ಶ್ವಾಸಕೋಶದೊಳಗೆ ನೀರು ಪ್ರವೇಶಿಸಿದ್ದು ಆನೆ ತಕ್ಷಣವೇ ಸಾಯಲು ಕಾರಣ ಎಂದು ಮರಣೋತ್ತರ ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

‘ಆನೆಯ ಮೃತದೇಹದಲ್ಲಿ ಗುಂಡು ಅಥವಾ ಕಬ್ಬಿಣದ ವಸ್ತುಗಳಾಗಲಿ ಪತ್ತೆಯಾಗಿಲ್ಲ’ ಎಂದು ವರದಿಯಲ್ಲಿ ತಿಳಿಸಲಾಗಿದೆ. 

 ಇದನ್ನೂ ಓದಿ: ತಿರುವನಂತಪುರ | ಅನಾನಸ್‌ ಜತೆ ಪಟಾಕಿ ಸ್ಫೋಟದಿಂದ ಆನೆ ಸಾವು

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು