ನವದೆಹಲಿ: ಮಹಿಳೆಯರು ಮಸೀದಿಗಳನ್ನು ಪ್ರವೇಶಿಸಿ ಪ್ರಾರ್ಥನೆ ಸಲ್ಲಿಸಲು ಅವಕಾಶ ನೀಡಬೇಕೆಂದು ಕೋರಿ ಪುಣೆ ಮೂಲದ ಮುಸ್ಲಿಂ ದಂಪತಿ ಸುಪ್ರೀಂಕೋರ್ಟ್ ಮೊರೆ ಹೋಗಿದ್ದಾರೆ.
ಮಹಿಳೆಯರು ಮಸೀದಿ ಪ್ರವೇಶಿಸುವುದನ್ನು ತಡೆಯುವುದು ಅಸಾಂವಿಧಾನಿಕ ಕ್ರಮ ಮತ್ತು ಮೂಲಭೂತ ಹಕ್ಕುಗಳ ಉಲ್ಲಂಘನೆ ಆಗುತ್ತದೆ ಎಂದು ಯಾಸ್ಮಿನ್ ಮತ್ತು ಜುಬೇದ್ ಅಹ್ಮದ್ ಪೀರಜಾದೆ ಅವರು ಜಂಟಿ ಅರ್ಜಿಯಲ್ಲಿ ಹೇಳಿದ್ದಾರೆ.
ಮಸೀದಿಗಳಿಗೆ ಮಹಿಳೆಯರ ಪ್ರವೇಶ ನಿಷೇಧಿಸಬೇಕೆಂದು ಪ್ರವಾದಿ ಮೊಹಮ್ಮದ್ ಅವರಾಗಲೀ ಅಥವಾ ಪವಿತ್ರ ಗ್ರಂಥ ಕುರಾನ್ನಲ್ಲಾಗಲೀ ಹೇಳಿಲ್ಲ ಎಂದಿದ್ದಾರೆ.