ವಾಣಿಜ್ಯ ವಾಹನಗಳಿಗೆ ಫಾಸ್‌ಟ್ಯಾಗ್‌ ಕಡ್ಡಾಯ?

7
ಕೇಂದ್ರ ಸರ್ಕಾರ ಪ್ರಸ್ತಾವ

ವಾಣಿಜ್ಯ ವಾಹನಗಳಿಗೆ ಫಾಸ್‌ಟ್ಯಾಗ್‌ ಕಡ್ಡಾಯ?

Published:
Updated:

ನವದೆಹಲಿ: ಟ್ರಕ್‌, ಟ್ಯಾಕ್ಸಿ ಮತ್ತು ಬಸ್‌ ಸೇರಿದಂತೆ ಎಲ್ಲ ಬಗೆಯ ವಾಣಿಜ್ಯ ಬಳಕೆಯ ವಾಹನಗಳಿಗೆ ಫಾಸ್‌ಟ್ಯಾಗ್‌ ಕಡ್ಡಾಯಗೊಳಿಸಲು ಕೇಂದ್ರ ಸರ್ಕಾರ ಮುಂದಾಗಿದೆ.

ಹೆದ್ದಾರಿಗಳ ಟೋಲ್‌ ಫ್ಲಾಜ್‌ಗಳಲ್ಲಿ ವಾಹನಗಳು ಸಾಲುಗಟ್ಟಿ ನಿಲ್ಲುವುದನ್ನು ತಪ್ಪಿಸಲು ಮತ್ತು ಸಂಚಾರ ಸುಗಮಗೊಳಿಸಲು ಫಾಸ್‌ಟ್ಯಾಗ್‌ ಬಳಕೆಗೆ ಉತ್ತೇಜನ ನೀಡಲು ಸರ್ಕಾರ ನಿರ್ಧರಿಸಿದೆ. ವಾಣಿಜ್ಯ ಬಳಕೆಯ ಹಳೆಯ ವಾಹನಗಳಿಗೂ ಫಾಸ್‌ಟ್ಯಾಗ್‌ ಅಳವಡಿಕೆ ಕಡ್ಡಾಯಗೊಳಿಸಲಾಗುತ್ತಿದೆ ಎಂದು ಸಾರಿಗೆ ಮತ್ತು ಹೆದ್ದಾರಿ ಸಚಿವಾಲಯದ ಅಧಿಕಾರಿಗಳು ತಿಳಿಸಿದ್ದಾರೆ.

ಹೆದ್ದಾರಿ ಟೋಲ್‌ ಫ್ಲಾಜಾಗಳಲ್ಲಿ ಫಾಸ್‌ಟ್ಯಾಗ್‌ ಬಳಕೆ ಕಡ್ಡಾಯವೇನಲ್ಲ. ಆದರೆ, ಸುಗಮ ಸಂಚಾರ ಉತ್ತೇಜಿಸುವ ಸಲುವಾಗಿ ಫಾಸ್‌ಟ್ಯಾಗ್‌ ಬಳಕೆದಾರರಿಗೆ ಸರ್ಕಾರ ಕ್ಯಾಸ್‌ ಬ್ಯಾಕ್‌ (ನಗದು ವಾಪಸ್‌) ಸೌಲಭ್ಯ ನೀಡಲಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

ಏನಿದು ಫಾಸ್‌ಟ್ಯಾಗ್‌?

ನಗದು ರಹಿತ ವಹಿವಾಟು ಉತ್ತೇಜನಕ್ಕೆ ರಾಷ್ಟ್ರೀಯ ಹೆದ್ದಾರಿ ಪ್ರಾಧಿಕಾರ ಜಾರಿಗೆ ತಂದಿರುವ ‘ಇ ಟೋಲ್‌ ವ್ಯವಸ್ಥೆ’ಯೇ ಫಾಸ್‌ಟ್ಯಾಗ್‌.

ಫಾಸ್‌ಟ್ಯಾಗ್‌ ಬಳಕೆಗೆ ವಾಹನ ಮಾಲೀಕರು ಬ್ಯಾಂಕಿನಲ್ಲಿ ಮುಂಗಡ ಪಾವತಿ ಖಾತೆ ತೆರೆದು ಹಣ ತುಂಬಿರಬೇಕು. ಬಳಿಕ ವಾಹನದ ಮುಂಬದಿಯ ಗಾಜಿನ ಮೇಲೆ ರೇಡಿಯೊ ತರಾಂಗಂತರಗಳನ್ನು (ಆರ್‌ಎಫ್‌ಐಡಿ– ರೇಡಿಯೊ ಫ್ರಿಕ್ವೆನ್ಸಿ ಐಡೆಂಟಿಫಿಕೇಷನ್‌ ಡಿವೈಸ್‌) ಒಳಗೊಂಡ ಫಾಸ್‌ಟ್ಯಾಗ್‌ ಸ್ಟಿಕ್ಕರ್‌ ಅಂಟಿಸಲಾಗುತ್ತದೆ. ಈ ಸ್ಟಿಕ್ಕರ್‌ ಅಂಟಿಸಿದ ವಾಹನ ರಾಷ್ಟ್ರೀಯ ಹೆದ್ದಾರಿ ಜಾಲದ ಟೋಲ್‌ ಫ್ಲಾಜಾ ಪ್ರವೇಶಿಸಿದಾಗ ಟ್ಯಾಗ್‌ ರೀಡರ್‌ ಸಾಧನ, ವಾಹನದ ಗಾಜಿನ ಮೇಲಿರುವ ಸ್ಟಿಕ್ಕರ್‌ ಸ್ಕ್ಯಾನ್‌ ಮಾಡುತ್ತದೆ. ಆಗ ವಾಹನ ಮಾಲೀಕರ ಖಾತೆಯಿಂದ ಹಣ ಕಡಿತವಾಗಿ, ಸಂಚಾರ ‘ತಡೆ’ ತಕ್ಷಣ ತೆರೆದುಕೊಳ್ಳುತ್ತದೆ.

ಈ ವ್ಯವಸ್ಥೆ 2016ರ ಏಪ್ರಿಲ್‌ನಿಂದಲೇ ಜಾರಿಗೆ ಬಂದಿತ್ತು. ಆದರೆ, ಇದು ಕಡ್ಡಾಯವಾಗಿರಲಿಲ್ಲ. ಈಗ ಹೊಸದಾಗಿ ಮಾರುಕಟ್ಟೆಗೆ ಬರುತ್ತಿರುವ ಕಾರು ಮತ್ತು ಟ್ರಕ್‌ಗಳಲ್ಲಿ ಉತ್ಪಾದನೆ ಹಂತದಲ್ಲಿ ಕಾರ್ಖಾನೆಗಳಲ್ಲೇ ಫಾಸ್‌ಟ್ಯಾಗ್‌ಗಳನ್ನು 2017ರ ಡಿಸೆಂಬರ್‌ 1ರಿಂದ ಅಳವಡಿಸಲಾಗುತ್ತಿದೆ.

ಬರಹ ಇಷ್ಟವಾಯಿತೆ?

  • 4

    Happy
  • 2

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !