ಆರು ಮಂದಿ ವಿರುದ್ಧ ಎಫ್‌ಐಆರ್‌

6
ದಲಿತ ವೈದ್ಯೆಗೆ ನೀರು ಕೊಡಲು ನಿರಾಕರಣೆ ಪ್ರಕರಣ

ಆರು ಮಂದಿ ವಿರುದ್ಧ ಎಫ್‌ಐಆರ್‌

Published:
Updated:

ಕೌಶಾಂಬಿ: ದಲಿತ ಸಮುದಾಯಕ್ಕೆ ಸೇರಿದ ಪಶುವೈದ್ಯಗೆ ಕುಡಿಯಲು ನೀರು ಕೊಡಲು ನಿರಾಕರಿಸಿದ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಆರು ಜನರ ವಿರುದ್ಧ ಎಫ್‌ಐಆರ್‌ ದಾಖಲಿಸಿದ್ದಾರೆ.

ಎಸ್‌ಸಿ/ಎಸ್‌ಟಿ ಮೇಲಿನ ದೌರ್ಜನ್ಯ ವಿರೋಧಿ ಕಾಯ್ದೆ ಅಡಿ ಎಫ್‌ಐಆರ್‌ ದಾಖಲಿಸಲಾಗಿದೆ. ಪ್ರಕರಣ ನಡೆದ ಅಂಬಾವ ಪೂರಬ್‌ ಗ್ರಾಮ ಪಂಚಾಯ್ತಿ ಅಧ್ಯಕ್ಷ ಶಿವ ಸಂಪತ್‌, ಭೈಲಾ ಮಕ್ದೂಂಪುರ್ ಗ್ರಾಮ ಪಂಚಾಯ್ತಿ ಅಧ್ಯಕ್ಷೆಯ ಪತಿ ಪಂಕಜ್‌ ಯಾದವ್, ಸಯಿಬಾಸಾ ಗ್ರಾಮ ಪಂಚಾಯ್ತಿ ಅಧ್ಯಕ್ಷ ಅನ್ಸಾರ್‌ ಅಲಿ, ಜಿಲ್ಲಾ ಪಂಚಾಯ್ತಿ ಸದಸ್ಯ ಝಲ್ಲಾರ್‌ ತಿವಾರಿ, ಜಿಲ್ಲಾ ಪಂಚಾಯ್ತಿ ಅಭಿವೃದ್ಧಿ ಅಧಿಕಾರಿ ರವಿದತ್ತ ಮಿಶ್ರಾ ಹಾಗೂ ಮಂಝಾನ್‌ಪುರ ಠಾಣೆಯ ಪೊಲೀಸ್‌ ರಾಜೇಶ್‌ ಸಿಂಗ್‌ ವಿರುದ್ಧ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಪ್ರದೀಪ ಗುಪ್ತಾ ತಿಳಿಸಿದ್ದಾರೆ. 

ಉಪ ಪಶುವೈದ್ಯಾಧಿಕಾರಿಯೂ ಆಗಿರುವ ಡಾ. ಸೀಮಾ ಅವರು, ಕಳೆದ ಜುಲೈ 31ರಂದು ಇಲಾಖೆಯ ಯೋಜನೆಗಳ ಅಭಿವೃದ್ಧಿ ಕಾರ್ಯಪರಿಶೀಲನೆಗೆ ತೆರಳಿದ್ದಾಗ ಅವರಿಗೆ ಕುಡಿಯುವ ನೀರು ನೀಡಲು ನಿರಾಕರಿಸಲಾಗಿತ್ತು. 

‘ನಾನು ಮಧುಮೇಹದಿಂದ ಬಳಲುತ್ತಿದ್ದೇನೆ. ಆದರೂ, ಸುಮಾರು ಎರಡೂವರೆ ತಾಸು ಗ್ರಾಮಸ್ಥರು ನನಗೆ ನೀರು ನೀಡಲಿಲ್ಲ’ ಎಂದು ಸೀಮಾ ಹೇಳಿದ್ದರು. 

ರಾಜ್ಯದಲ್ಲಿ ದಲಿತರ ಮೇಲಿನ ದೌರ್ಜನ್ಯ ಪ್ರಕರಣಗಳು ಹೆಚ್ಚುತ್ತಿವೆ ಎಂದು ವಿರೋಧಪಕ್ಷಗಳು ಸರ್ಕಾರದ ವಿರುದ್ಧ ವಾಗ್ದಾಳಿ ನಡೆಸಿವೆ. ಪ್ರಕರಣದ ಕುರಿತು ಉನ್ನತಮಟ್ಟದ ತನಿಖೆಗೆ ಕಾಂಗ್ರೆಸ್‌ ಆಗ್ರಹಿಸಿದ್ದರೆ, ‘ಈ ಬಿಜೆಪಿ ಸರ್ಕಾರಕ್ಕೆ ಸಂವಿಧಾನದಲ್ಲಿ ನಂಬಿಕೆ ಇಲ್ಲ’ ಎಂದು ಸಮಾಜವಾದಿ ಪಕ್ಷ ಟೀಕಿಸಿದೆ. 

 

ಬರಹ ಇಷ್ಟವಾಯಿತೆ?

  • 3

    Happy
  • 1

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !