ಹೈದರಾಬಾದ್‌: ಅಮೆರಿಕದ ಟೆನ್ನೆಸ್ಸಿಯ ಸಮೀಪದ ನಿವಾಸದಲ್ಲಿ ಸಂಭವಿಸಿದ ಭಾರಿ ಅಗ್ನಿ ಅವಘಡದಲ್ಲಿ ಮೂವರು ಭಾರತೀಯರು ಸೇರಿದಂತೆ ನಾಲ್ವರು ಮೃತಪಟ್ಟಿದ್ದಾರೆ.
ಮೃತರನ್ನು ತೆಲಂಗಾಣದ ನಲ್ಗೊಂಡ ಜಿಲ್ಲೆಯ ಸಾತ್ವಿಕ್‌ ನಾಯ್ಕ್(16), ಸುಹಾನ್‌ ನಾಯ್ಕ್ (15), ಜಯ ಸುಚಿತ್(14) ಎಂದು ಗುರುತಿಸಲಾಗಿದೆ.
ಈ ಮೂವರು ಒಂದೇ ಕುಟುಂಬದವರು. ಇವರ ತಂದೆಪಾಸ್ಟರ್‌ ಶ್ರೀನಿವಾಸ್‌ ನಾಯ್ಕ್ ಅಮೆರಿಕದಲ್ಲಿ ಉದ್ಯೋಗದಲ್ಲಿದ್ದರು. ಕೆಲ ದಿನಗಳ ಹಿಂದೆ ತೆಲಂಗಾಣಕ್ಕೆ ಬಂದು ನೆಲೆಸಿದ್ದರು. ಮಕ್ಕಳು ಅಮೆರಿಕದಲ್ಲಿಯೇ ಓದುತ್ತಿದ್ದರು.
ಭಾನುವಾರ ರಾತ್ರಿ 11 ಗಂಟೆಗೆ ಅಗ್ನಿ ಆಕಸ್ಮಿಕ ಸಂಭವಿಸಿದೆ. ಘಟನೆಯಲ್ಲಿ ಅಮೆರಿಕದ ಕರಿ ಕೌಡ್ರಿಯೆಟ್ (46) ಮೃತರಾಗಿದ್ದು, ಏಳು ಮಂದಿ ಗಾಯಗೊಂಡಿದ್ದಾರೆ.ಕ್ರಿಸ್‌ಮಸ್‌ ಸಂಭ್ರಮಾಚರಣೆಯ ಸಲುವಾಗಿಕರಿ ಕೌಡ್ರಿಯೆಟ್ ಅವರ ನಿವಾಸಕ್ಕೆ ಮಕ್ಕಳು ತೆರಳಿದ್ದರು.
