ಚೆನ್ನೈ:ಇಲ್ಲಿನ ಖಾಸಗಿ ವಾಹನ ನಿಲುಗಡೆ ಪ್ರದೇಶ ಒಂದರಲ್ಲಿ ನಿಲ್ಲಿಸಿದ್ದ 150ಕ್ಕೂ ಹೆಚ್ಚು ಕಾರುಗಳು ಭಾನುವಾರ ಬೆಂಕಿಗೆ ಆಹುತಿಯಾಗಿವೆ.
ಇಲ್ಲಿನ ಶ್ರೀ ರಾಮಚಂದ್ರ ವೈದ್ಯಕೀಯ ಕಾಲೇಜಿನ ಸಮೀಪ ಈ ನಿಲುಗಡೆ ಪ್ರದೇಶವಿದೆ. ಮಧ್ಯಾಹ್ನ 2ರ ಸುಮಾರಿಗೆ ಬೆಂಕಿ ಕಾಣಿಸಿಕೊಂಡಿತ್ತು. 10 ಅಗ್ನಿಶಾಮಕ ವಾಹನಗಳ ಮೂಲಕ ಬೆಂಕಿಯನ್ನು ನಂದಿಸಲಾಗಿದೆ.
ಎಲ್ಲಾ ಕಾರುಗಳು ಒಂದೇ ಸಂಸ್ಥೆಗೆ ಸೇರಿದ್ದವಾಗಿವೆ. ಒಂದು ವರ್ಷದಿಂದ ಅವನ್ನು ಅಲ್ಲೇ ನಿಲುಗಡೆ ಮಾಡಲಾಗಿತ್ತು. ಅವುಗಳಲ್ಲಿ ಹಲವು ಹೊಸ ಕಾರುಗಳು ಮತ್ತು ಕೆಲವಷ್ಟೇ ಹಳೆಯ ಕಾರುಗಳು. ಬೆಂಕಿ ಹತ್ತಿಕೊಳ್ಳಲು ಕಾರಣವೇನು ಎಂಬುದು ತಿಳಿದುಬಂದಿಲ್ಲ.
