ಮುಂಬೈ: ಮೇಲ್ಸೇತುವೆ ಕುಸಿದು 5 ಜನರ ಸಾವು

ಗುರುವಾರ ಸಂಜೆ, 7.30ರ ಹೊತ್ತಿಗೆ ಇದ್ದಕ್ಕಿದ್ದಂತೆ ಮೇಲ್ಸೇತುವೆ ಕುಸಿಯಿತು. ಸಂಜೆ ಜನಸಾಂದ್ರತೆ ಹೆಚ್ಚಾಗಿರುವ ಹೊತ್ತಿನಲ್ಲಿಯೇ ಕುಸಿದಿದ್ದರಿಂದ 36 ಜನರು ಗಾಯಗೊಂಡಿದ್ದಾರೆ.

ಮೃತರಲ್ಲಿ ಇಬ್ಬರು ಮಹಿಳೆಯರೂ ಸೇರಿದ್ದಾರೆ. ಅವರಿಬ್ಬರೂ ಜಿಟಿ ಆಸ್ಪತ್ರೆಯಲ್ಲಿ ಕೆಲಸ ಮಾಡುತ್ತಿದ್ದರು.

1984ರಲ್ಲಿ ನಿರ್ಮಿಸಲಾಗಿದ್ದ ಈ ಮೇಲ್ಸೇತುವೆ ಛತ್ರಪತಿ ಶಿವಾಜಿ ಟರ್ಮಿನಲ್ಸ್‌ನ ಉತ್ತರ ಭಾಗದ ಮೊದಲ ಪ್ಲ್ಯಾಟ್‌ಫಾರ್ಮ್‌ ಹಾಗೂ ಬಿಟಿ ಲೇನ್‌ಗೆ ಸಂಪರ್ಕಕಲ್ಪಿಸುತ್ತಿತ್ತು.

ಹಲವು ಮಂದಿಅವಶೇಷಗಳಲ್ಲಿ ಸಿಲುಕಿಕೊಂಡಿರಬಹುದು ಎಂದುರಾಷ್ಟ್ರೀಯ ವಿಪತ್ತು ನಿರ್ವಹಣಾ ಪಡೆ(ಎನ್‌ಡಿಆರ್‌ಎಫ್‌) ಮೂಲಗಳು ತಿಳಿಸಿವೆ.