ಗಂಗೆಯಲ್ಲಿ ಬ್ಯಾಕ್ಟೀರಿಯಾ ಮಟ್ಟ ಹೆಚ್ಚಳ

ಮಂಗಳವಾರ, ಜೂನ್ 25, 2019
30 °C
ಸಾಂಕ್ರಾಮಿಕ ರೋಗ ಹರಡುವ ಭೀತಿ

ಗಂಗೆಯಲ್ಲಿ ಬ್ಯಾಕ್ಟೀರಿಯಾ ಮಟ್ಟ ಹೆಚ್ಚಳ

Published:
Updated:
Prajavani

ನವದೆಹಲಿ: ಗಂಗಾನದಿ ಸೇರುವ  ಫೀಕಲ್‌ ಕೋಲಿಫಾರ್ಮ್‌ದ (ಎಫ್‌ಸಿ) ಇ–ಕೊಲಿ ಬ್ಯಾಕ್ಟೀರಿಯಾ ಪ್ರಮಾಣ ಅನುಮತಿಸಲ್ಪಟ್ಟ ಮಿತಿಗಿಂತ 3ರಿಂದ 12 ಪಟ್ಟು ಹೆಚ್ಚಳವಾಗಿದೆ ಎಂದು ಕೇಂದ್ರ ಮಾಲಿನ್ಯ ನಿಯಂತ್ರಣ ಮಂಡಳಿ (ಸಿಪಿಸಿಬಿ) ಹೇಳಿದೆ. 

ನದಿ ಸೇರುವ ಅಂತರರಾಜ್ಯ ತೀರ ಪ್ರದೇಶಗಳಲ್ಲಿ ಈ ಬ್ಯಾಕ್ಟೀರಿಯಾ ಪ್ರಮಾಣ ಹೆಚ್ಚಾಗಿದೆ. ಸಿಪಿಸಿಬಿ ಬಿಡುಗಡೆಗೊಳಿಸಿರುವ ದತ್ತಾಂಶಗಳಲ್ಲಿ ಈ ಅಂಶ ಬೆಳಕಿಗೆ ಬಂದಿದೆ.

ಸಂಸ್ಕರಿಸದೇ ಇರುವ ನೀರು ಅಥವಾ ಕಲುಷಿತ ನೀರು ನದಿಗೆ ಸೇರ್ಪಡೆಗೊಂಡಾಗ ಮತ್ತು ಮಲದಲ್ಲಿ ಈ ಫೀಕಲ್‌ ಕೋಲಿಫಾರ್ಮ್‌ ಬ್ಯಾಕ್ಟೀರಿಯಾ ಕಂಡುಬರುತ್ತದೆ. ನೀರಿನಿಂದ ಹರಡಬಹುದಾದ ಸಾಂಕ್ರಾಮಿಕ ರೋಗಗಳಿಗೆ ಈ ಬ್ಯಾಕ್ಟೀರಿಯಾಗಳು ಕಾರಣವಾಗುತ್ತವೆ.

ಫೀಕಲ್ ಕೋಲಿಫಾರ್ಮ್ ಅನುಮತಿಸಿದ ಮಿತಿ ಪ್ರತಿ 100 ಎಂಎಲ್ ಗೆ 2,500 ಎಂಪಿಎನ್ (ಗರಿಷ್ಠ ಇರಬಹುದಾದ ಸಂಖ್ಯೆ) ಆಗಿದ್ದರೆ, ಅಪೇಕ್ಷಿತ ಮಟ್ಟ ಪ್ರತಿ 100 ಎಂಎಲ್ ಗೆ 500 ಎಂಪಿಎನ್ ಆಗಿದೆ. ಅಂದರೆ, 100 ಎಂಎಲ್‌ ನೀರಿನಲ್ಲಿ 500ರಷ್ಟು ಬ್ಯಾಕ್ಟೀರಿಯಾಗಳು ಎಂದರ್ಥ.

ಗಂಗಾನದಿಯಲ್ಲಿ ಗರಿಷ್ಠ ಎಫ್‌ಸಿ ಕಂಡು ಬಂದಿರುವುದು ಪಶ್ಚಿಮ ಬಂಗಾಳದ ಬೆರ್‌ಹಾಮ್‌ಪುರದ ಖಗ್ರಾದಲ್ಲಿ. ಇಲ್ಲಿ ಎಫ್‌ಸಿ  30,000 ಎಂಪಿಎನ್‌ ಇದೆ. ಅಂದರೆ, ಇದು ಅನುಮತಿಸಲ್ಪಟ್ಟ ಮಿತಿಗಿಂತ 12 ಪಟ್ಟು, ಅಪೇಕ್ಷಿತ ಮಿತಿಗಿಂತ 60 ಪಟ್ಟು ಹೆಚ್ಚು! 

ಗಂಗಾ ನದಿ ಹರಿದು ಹೋಗುವ ಉತ್ತರಾಖಂಡ, ಉತ್ತರ ಪ್ರದೇಶ, ಬಿಹಾರ, ‍ಪಶ್ಚಿಮ ಬಂಗಾಳದ ತೀರ ಪ್ರದೇಶದಲ್ಲಿನ ಎಫ್‌ಸಿ ಮಟ್ಟದ ದತ್ತಾಂಶಗಳನ್ನು ಸಿಪಿಸಿಬಿ ಬಿಡುಗಡೆಗೊಳಿಸಿದೆ. ಜಾರ್ಖಂಡ್‌ನ ಎರಡು ಗಡಿ ಪ್ರದೇಶದ ದತ್ತಾಂಶಗಳನ್ನು ನೀಡಿಲ್ಲ. 

ಈ ದತ್ತಾಂಶಗಳ ಪ್ರಕಾರ, ಉತ್ತರಪ್ರದೇಶದ ಬಿಜನೋರ್‌ ಮತ್ತು ಉತ್ತರಾಖಂಡದ ಸುಲ್ತಾನಪುರ ಪ್ರದೇಶದಲ್ಲಿ ಮಾತ್ರ ಎಫ್‌ಸಿ ಮಟ್ಟ ಅನುಮತಿಸಲ್ಪಟ್ಟ ಮಿತಿಗಿಂತ ಕಡಿಮೆ ಇದೆ. 

ರಾಜ್ಯದಿಂದ ರಾಜ್ಯದ ನಡುವೆ ಗಂಗಾನದಿ ಸೇರುವ ಪ್ರದೇಶಗಳಲ್ಲಿ ನೀರಿನ ಗುಣಮಟ್ಟದ ಕುರಿತು ದತ್ತಾಂಶ ಬಿಡುಗಡೆಗೊಳಿಸುವಂತೆ ರಾಷ್ಟ್ರೀಯ ಹಸಿರು ನ್ಯಾಯಮಂಡಳಿ ಸಿಪಿಸಿಬಿಗೆ ಸೂಚನೆ ನೀಡಿತ್ತು. 

**

ಮುಖ್ಯಾಂಶಗಳು

ಪಶ್ಚಿಮ ಬಂಗಾಳದಲ್ಲಿ ಗಂಗೆ ಅತಿ ಹೆಚ್ಚು ಮಲಿನ

ಅಪೇಕ್ಷಿತ ಮಿತಿಗಿಂತ 60 ಪಟ್ಟು ಹೆಚ್ಚು ಬ್ಯಾಕ್ಟೀರಿಯಾ

ಗಂಗೆಯ ಎರಡು ತೀರ ಪ್ರದೇಶ ಮಾತ್ರ ಸುರಕ್ಷಿತ

 

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 1

    Happy
  • 1

    Amused
  • 4

    Sad
  • 3

    Frustrated
  • 0

    Angry

Comments:

0 comments

Write the first review for this !