ಭಾರತ ಸ್ವಾತಂತ್ರ್ಯೋತ್ಸವಕ್ಕೆ ಗೂಗಲ್‌ನಿಂದ ’ಡೂಡಲ್‌’ ವಿಶೇಷ

7

ಭಾರತ ಸ್ವಾತಂತ್ರ್ಯೋತ್ಸವಕ್ಕೆ ಗೂಗಲ್‌ನಿಂದ ’ಡೂಡಲ್‌’ ವಿಶೇಷ

Published:
Updated:
Deccan Herald

ಬೆಂಗಳೂರು: ಭಾರತದ ಸ್ವಾತಂತ್ರ್ಯ ದಿನದ ಅಂಗವಾಗಿ ಗೂಗಲ್‌ ಮಂಗಳವಾರ ರಾತ್ರಿ ವರ್ಣಮಯ ವಿಶೇಷ  ಡೂಡಲ್‌ ಪ್ರಕಟಿಸಿದೆ. 

ಪರಸ್ಪರ ಎದುರು ಕುಳಿತಿರುವ ನವಿಲುಗಳು, ಒಂದು ಬದಿಯಲ್ಲಿ ಬಂಗಾಳದ ಹುಲಿ ಹಾಗೂ ಮತ್ತೊಂದು ಕಡೆ ಏಷ್ಯಾ ಆನೆಯನ್ನು ಡೂಡಲ್‌ನಲ್ಲಿ ಕಾಣಬಹುದು. ಹಿಂಬದಿಯಲ್ಲಿ ಸೂರ್ಯೋದಯ, ಮುಂದೆ ನೀರಿನ ಮೇಲೆ ಅರಳುವ ನೈದಿಲೆ, ಮಾವಿನ ಹಣ್ಣುಗಳ ತೋರಣ ಹಾಗೂ ಗೂಗಲ್‌ ಪದದ ಅಕ್ಷರಗಳ ಮಧ್ಯೆ ಸುತ್ತುವರಿದಂತೆ ಕಾಣುವ ತ್ರಿವರ್ಣ ಧ್ವಜದ ಪಟ್ಟಿಯಿದೆ.

ಈ ಡೂಡಲ್‌ ಮೇಲೆ ಕ್ಲಿಕ್ಕಿಸಿದರೆ ಸ್ವಾತಂತ್ರ್ಯ ದಿನಕ್ಕೆ ಸಂಬಂಧಿಸಿದ ಸುದ್ದಿಗಳು, ಮಾಹಿತಿ, ವೆಬ್‌ಸೈಟ್‌ ಹಾಗೂ ಪ್ರಧಾನಿ ಮೋದಿ ಅವರ ಭಾಷಣಗಳ ಲಿಂಕ್‌ ಇರುವ ಪುಟ ತೆರೆದುಕೊಳ್ಳುತ್ತದೆ. 1947ರ ಆಗಸ್ಟ್‌ 15ರಿಂದ ಭಾರತ ಸ್ವಾತಂತ್ರ್ಯ ದಿನವನ್ನು ಆಚರಿಸಲಾಗುತ್ತಿದ್ದು, ಈ ಬಾರಿ 72ನೇ ವರ್ಷದ ಸಂಭ್ರಮ.   

ಪ್ರಧಾನಿ ಮೋದಿ ರಾಷ್ಟ್ರ ಧ್ವಜಾರೋಹಣ ನೆರವೇರಿಸುತ್ತಿದ್ದಂತೆ 21–ಗನ್‌ ಸಲ್ಯೂಟ್‌ ಮಾಡಲಾಯಿತು. ಬಳಿಕ ಪ್ರಧಾನಿ ದೇಶವನ್ನು ಉದ್ದೇಶಿಸಿ ಭಾಷಣ ಮಾಡಿದರು. ಪ್ರಸಾರ ಭಾರತಿಯೊಂದಿಗೆ ಗೂಗಲ್‌ ಒಪ್ಪಂದವಿದ್ದು, ಇದೇ ಮೊದಲ ಬಾರಿಗೆ ಸ್ವಾತಂತ್ರ್ಯ ದಿನದ ವೇಳೆ ಪ್ರಧಾನಿ ಭಾಷಣವನ್ನು ಗೂಗಲ್‌ ಮತ್ತು ಯೂಟ್ಯೂಬ್‌ನಲ್ಲಿ ನೇರ ಪ್ರಸಾರ ಮಾಡಲಾಗಿದೆ. 

ದೆಹಲಿಯಲ್ಲಿ ಭದ್ರತೆಗಾಗಿ 70 ಸಾವಿರ ಮಂದಿ ನಿಯೋಜನೆಯಾಗಿದ್ದು, ಕೆಂಪು ಕೋಟೆಯಲ್ಲಿ ಕಾರ್ಯಕ್ರಮದ ವೇಳೆ 10 ಸಾವಿರ ಮಂದಿ ಭದ್ರತೆ ವಹಿಸಿದ್ದರು. ಇದೇ ಮೊದಲ ಬಾರಿಗೆ ದೆಹಲಿ ಪೊಲೀಸ್‌ ಇಲಾಖೆಯ ವಿಶೇಷ ಶಸ್ತ್ರಾಸ್ತ್ರ ಪಡೆಯ 36 ಮಹಿಳಾ ಸಿಬ್ಬಂದಿ ಭದ್ರತೆಯಲ್ಲಿದ್ದರು. 

 

ಬರಹ ಇಷ್ಟವಾಯಿತೆ?

  • 5

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !