ಶಾಲಾ ಸುಧಾರಣ ಸಮಿತಿ ಹಾಗೂ ಸಿಬ್ಬಂದಿ ಈ ಕುರಿತು ಹಲವು ಸಲ ಹಟ್ಟಿ ಚಿನ್ನದ ಗಣಿ ಕಂಪೆನಿಯ ಆಡಳಿತದ ಗಮನ ಸೆಳೆದರೂ ದುರಸ್ತಿ ಕಾರ್ಯ ನಡೆದಿಲ್ಲ. ವಿಜ್ಞಾನ, ಕಲಾ ಮತ್ತು ವಾಣಿಜ್ಯ ಮೂರು ವಿಭಾಗಳಲ್ಲಿ 125 ವಿದ್ಯಾರ್ಥಿಗಳು ಅಭ್ಯಾಸ ಮಾಡುತ್ತಾರೆ. ಆದರೆ ಇಂಗ್ಲಿಷ್‌, ಇತಿಹಾಸ, ಅರ್ಥಶಾಸ್ತ್ರ, ವಾಣಿಜ್ಯಶಾಸ್ತ್ರ, ಗಣಿತ, ರಾಜ್ಯಶಾಸ್ತ್ರ ಉಪನ್ಯಾಸಕರ ಕೊರತೆ ಇದೆ. ಕನ್ನಡ ಮತ್ತು ರಾಸಾಯನ ಶಾಸ್ತ್ರದ ಉಪನ್ಯಾಸಕರು ಬಿ.ಎಡ್‌. ಓದಲು ರಜೆಯ ಮೇಲೆ ಹೋಗಿದ್ದಾರೆ. ಪ್ರಾಚಾರ್ಯರ ಹುದ್ದೆ ಖಾಲಿ ಇದೆ. ಒಟ್ಟಾರೆ ಕಾಲೇಜಿನಲ್ಲಿ ಉಪನ್ಯಾಸಕರಿಲ್ಲ. ದ್ವಿತೀಯ ದರ್ಜೆ ಸಹಾಯಕಿ 2015ರಿಂದ ಗೈರು ಹಾಜರಾಗಿದ್ದಾರೆ. ಗ್ರಂಥಪಾಲಕರು, ಸಹಾಯಕರೂ ಇಲ್ಲ.
