ಲಖನೌ: ಹಿಂದೂಗಳ ಆರಾಧ್ಯ ದೈವ ಹನುಮಾನ್‌ ಒಬ್ಬ ಕ್ರೀಡಾಪಟು ಎಂದು ಉತ್ತರಪ್ರದೇಶದ ಕ್ರೀಡಾ ಸಚಿವರೂ ಆಗಿರುವ ಮಾಜಿ ಕ್ರಿಕೆಟ್‌ ಆಟಗಾರ ಚೇತನ್‌ ಚೌಹಾನ್‌ ವ್ಯಾಖ್ಯಾನಿಸಿದ್ದಾರೆ.
‘ಹನುಮಾನ್‌ ಒಬ್ಬ ದೇವರು. ನಾನು ಆತನನ್ನು ದೇವರೆಂದೇ ಪರಿಗಣಿಸುತ್ತೇನೆ ಹಾಗೂ ಆರಾಧಿಸುತ್ತೇನೆ. ನಾನೊಬ್ಬ ಕ್ರೀಡಾಪಟು ಮತ್ತು ಎಲ್ಲ ಕ್ರೀಡಾಪಟುಗಳು ಶಕ್ತಿಯನ್ನು ಪೂಜಿಸುತ್ತಾರೆ. ಹನುಮಂತ ಶಕ್ತಿ ಮತ್ತು ಸತ್ವದ ಸಂಕೇತ. ಅವರು ಕುಸ್ತಿಪಟುವಾಗಿದ್ದರು ಹಾಗೂ ಎಲ್ಲ ಕುಸ್ತಿಪಟುಗಳು ಅವರನ್ನು ಆರಾಧಿಸುತ್ತಿದ್ದಾರೆ ಎಂದು ಚೌಹಾನ್‌ ಹೇಳಿದ್ದಾರೆ.
ಉತ್ತರಪ್ರದೇಶದ ಅಮ್ರೋಹಾದಲ್ಲಿ ಭಾನುವಾರ ಮಾತನಾಡಿದ ಅವರು, ‘ದೇವರು ಹಾಗೂ ಸಂತರಿಗೆ ಯಾವ ಜಾತಿ ಮತ್ತು ಧರ್ಮಗಳು ಇಲ್ಲ. ನಾನು ಹನುಮಂತನನ್ನು ದೇವರೆಂದೇ ಪರಿಗಣಿಸುತ್ತೇನೆ. ಜಾತಿ ಆಧರಿತವಾಗಿ ಬೇರ್ಪಡಿಸುವುದಿಲ್ಲ’ ಎಂದಿದ್ದಾರೆ.
