ರಾಜೀವ್ ಹಂತಕಿ ನಳಿನಿಗೆ ವಾದ ಮಂಡಿಸಲು ಒಪ್ಪಿಗೆ

ತನ್ನ ಮಗಳ ವಿವಾಹಕ್ಕಾಗಿ ಆರು ತಿಂಗಳ ಅವಧಿಗೆ ಸಾಮಾನ್ಯ ರಜೆ ಕೋರಿ ನಳಿನಿ ಅರ್ಜಿ ಸಲ್ಲಿಸಿದ್ದರು. ಜುಲೈ 5ರಂದು ನಡೆಯುವ ಈ ಅರ್ಜಿ ವಿಚಾರಣೆಯಲ್ಲಿ ಸ್ವತಃ ವಾದ ಮಂಡಿಸುವುದಾಗಿ ನಳಿನಿ ಮನವಿ ಮಾಡಿದ್ದರು. ನ್ಯಾಯಮೂರ್ತಿಗಳಾದ ಎಂ.ಎಂ. ಸುಂದರೇಶ್ ಹಾಗೂ ಎಂ.ನಿರ್ಮಲ್ ಕುಮಾರ್ ಅವರನ್ನೊಳಗೊಂಡ ವಿಭಾಗೀಯ ನ್ಯಾಯಪೀಠ, ಇದಕ್ಕೆ ಒಪ್ಪಿಗೆ ನೀಡಿದೆ.

ಜುಲೈ 5ರ ಮಧ್ಯಾಹ್ನ 2.15ರ ಒಳಗೆ ನಳಿನಿಯನ್ನು ನ್ಯಾಯಾಲಯಕ್ಕೆ ಹಾಜರುಪಡಿಸಬೇಕೆಂದು ವೆಲ್ಲೂರಿನ ಕೇಂದ್ರ ಕಾರಾಗೃಹದ ಅಧಿಕಾರಿಗಳಿಗೆ ವಿಭಾಗೀಯ ಪೀಠ ಆದೇಶಿಸಿದೆ.