ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಬುಡ್ಗಾಂನಲ್ಲಿ ಫೆ.27 ರಂದು ಭಾರತೀಯ ವಾಯುಪಡೆಯ ಮಿಗ್–17 ಹೆಲಿಕಾಪ್ಟರ್ ಪತನದ ಕುರಿತು ವಾಯುಪಡೆ ತನಿಖೆ ನಡೆಸಲಿದೆ. ಬಾಲಾಕೋಟ್ನಲ್ಲಿನ ಉಗ್ರರ ಶಿಬಿರಗಳ ಮೇಲೆ ವಾಯುದಾಳಿ ನಡೆದ ನಂತರ ಉಂಟಾದ ಸಂಘರ್ಷದ ವೇಳೆಯಲ್ಲೇ ಹೆಲಿಕಾಪ್ಟರ್ ಪತನಗೊಂಡಿತ್ತು. ಭಾರತದ ವಾಯುಪಡೆಯೇ ‘ತಪ್ಪಾಗಿ’ ಹೆಲಿಕಾಪ್ಟರ್ಅನ್ನು ಹೊಡೆದುರುಳಿಸಿರುವ ಸಾಧ್ಯತೆಗಳ ಬಗ್ಗೆಯೂ ತನಿಖೆ ನಡೆಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.