ನವದೆಹಲಿ: ಏರ್ ಮಾರ್ಷಲ್ ರಾಕೇಶ್ ಕುಮಾರ್ ಸಿಂಗ್ ಬದೌರಿಯಾ ಅವರನ್ನು ವಾಯುಪಡೆಯ ಮುಂದಿನ ಮುಖ್ಯಸ್ಥರಾಗಿ ಕೇಂದ್ರ ಸರ್ಕಾರ ಗುರುವಾರ ನೇಮಕ ಮಾಡಿದೆ. ಹಾಲಿ ಮುಖ್ಯಸ್ಥ ಬಿ.ಎಸ್.ದನೋವಾ ಅವರು ಇದೇ 30 ರಂದು ನಿವೃತ್ತರಾಗಲಿದ್ದಾರೆ.
1980 ರಲ್ಲಿ ವಾಯುಪಡೆಯ ಯುದ್ಧ ವಿಮಾನ ಹಾರಾಟ ವಿಭಾಗದಲ್ಲಿ ಸೇವೆ ಆರಂಭಿಸಿದ ಬದೌರಿಯಾ ಅವರು ಸದ್ಯ ವಾಯುಪಡೆಯ ಉಪಮುಖ್ಯಸ್ಥರಾಗಿದ್ದಾರೆ.
Air Mshl RKS Bhadauria PVSM AVSM VM ADC will take over as 26th Chief of the Air Staff.
— Indian Air Force (@IAF_MCC) September 19, 2019
He will be taking over the command from the Chairman Chiefs of Staff Committee & Chief of the Air Staff, Air Chief Mshl BS Dhanoa PVSM AVSM YSM VM ADC, who is due to retire end of the month. pic.twitter.com/8uWevAGMpD
ದನೋವಾ ಅವರೊಂದಿಗೆ ಬದೌರಿಯಾ ಅವರೂ ಇದೇ 30 ರಂದು ನಿವೃತ್ತಿಯಾಗಬೇಕಿತ್ತು. ಆದರೆ ಮುಂದಿನ ವಾಯುಪಡೆಯ ಮುಂದಿನ ಮುಖ್ಯಸ್ಥರಾಗಿ ಬಡ್ತಿ ನೀಡಿರುವುದರಿಂದ ಇನ್ನೂ ಎರಡು ವರ್ಷ ಸೇವೆ ಸಲ್ಲಿಸಲು ಅವರಿಗೆ ಅವಕಾಶ ದೊರೆತಿದೆ.
Air Mshl Bhadauria was commissioned in fighter stream of IAF on 15 Jun 1980 & was recipient of 'Sword of Honour'. He has over 4250 hrs of flying on 26 types of fighters & transport aircraft. He has been the AOC-in-C for two commands & has been overseeing IAF Operations as VCAS. pic.twitter.com/Uh2LnZ7fSd
— Indian Air Force (@IAF_MCC) September 19, 2019
ಬದೌರಿಯಾ ಅವರಿಗೆ 26 ರೀತಿಯ ಯುದ್ಧ ವಿಮಾನ ಮತ್ತು ಸರಕು ಸಾಗಣೆ ವಿಮಾನಗಳಲ್ಲಿ ಒಟ್ಟು 4,250 ಗಂಟೆ ಹಾರಾಟದ ಅನುಭವವಿದೆ.
ಉಪ ಮುಖ್ಯಸ್ಥರಾಗುವ ಮೊದಲು ಬೆಂಗಳೂರಿನ ತರಬೇತಿ ಕಮಾಂಡ್ನ ಏರ್ ಆಫೀಸರ್ ಕಮಾಂಡಿಂಗ್ ಮುಖ್ಯಸ್ಥರಾಗಿದ್ದರು.
ರಫೇಲ್ನಲ್ಲಿ ಪಾತ್ರ: ಬದೌರಿಯಾ ಅವರು ಫ್ರಾನ್ಸ್ ಜತೆ 36 ರಫೇಲ್ ಯುದ್ಧ ವಿಮಾನದ ವ್ಯವಹಾರದಲ್ಲೂ ಮಹತ್ವದ ಪಾತ್ರ ವಹಿಸಿದ್ದಾರೆ.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.