ಚೀನಾಕ್ಕೆ ಪ್ರತಿಕೂಲ ಸಂದೇಶ ಬೇಡ

7
2+2 ಮಾತುಕತೆ: ಎಚ್ಚರಿಕೆ ಹೆಜ್ಜೆ ಇರಿಸಲು ಭಾರತ ಚಿಂತನೆ

ಚೀನಾಕ್ಕೆ ಪ್ರತಿಕೂಲ ಸಂದೇಶ ಬೇಡ

Published:
Updated:

ನವದೆಹಲಿ: ಭಾರತ ಮತ್ತು ಅಮೆರಿಕ ನಡುವಣ ಮೊದಲ 2+2 ಮಾತುಕತೆಯು ಚೀನಾಕ್ಕೆ ಪ್ರತಿಕೂಲ ಸಂದೇಶ ನೀಡಬಾರದು ಎಂದು ಭಾರತ ಬಯಸಿದೆ. ಇಂಡೊ–ಪೆಸಿಫಿಕ್‌ ಪ್ರದೇಶದಲ್ಲಿ ಚೀನಾದ ಮುನ್ನಡೆಯನ್ನು ಭಾರತ ತಡೆಯಬೇಕು ಎಂಬುದು ಅಮೆರಿಕದ ಇಚ್ಛೆಯಾಗಿದೆ. ಆದರೆ. ಚೀನಾದ ಜತೆಗಿನ ಸಂಬಂಧ ಸೂಕ್ಷ್ಮವಾಗಿದೆ. ಹಾಗಾಗಿ ಬಹಳ ಎಚ್ಚರಿಕೆಯ ಹೆಜ್ಜೆ ಇಡಲು ಭಾರತ ಮುಂದಾಗಿದೆ.

ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌ ಮತ್ತು ರಕ್ಷಣಾ ಸಚಿವೆ ನಿರ್ಮಲಾ ಸೀತಾರಾಮನ್‌ ಹಾಗೂ ಅಮೆರಿಕದ ವಿದೇಶಾಂಗ ಸಚಿವ ಮೈಕ್‌ ಪಾಂಪಿಯೊ ಮತ್ತು ರಕ್ಷಣಾ ಸಚಿವ ಜೇಮ್ಸ್‌ ಎನ್‌. ಮ್ಯಾಟಿಸ್‌ ನಡುವೆ ದೆಹಲಿಯಲ್ಲಿ ಗುರುವಾರ ಮಾತುಕತೆ ನಡೆಯಲಿದೆ. 

ಇಂಡೊ–ಪೆಸಿಫಿಕ್ ಪ್ರದೇಶಕ್ಕೆ ಸಂಬಂಧಿಸಿ ಭಾರತ ಮತ್ತು ಅಮೆರಿಕದ ಸಮಾನ ದೃಷ್ಟಿಕೋನವನ್ನು ಇನ್ನಷ್ಟು ಮುಂದಕ್ಕೆ ಒಯ್ಯುವುದು ಮಾತುಕತೆಯ ಕಾರ್ಯಸೂಚಿಯಲ್ಲಿದೆ ಎಂದು ಅಮೆರಿಕದ ಅಧಿಕಾರಿಗಳು ಹೇಳುತ್ತಿದ್ದಾರೆ. ಈ ಪ್ರದೇಶಕ್ಕೆ ಸಂಬಂಧಿಸಿ ಚೀನಾದ ಯಜಮಾನಿಕೆಯ ವರ್ತನೆಯೇ ಮುಖ್ಯವಾಗಿದೆ. 

ಆದರೆ, ತನ್ನದೂ ಇದೇ ದೃಷ್ಟಿಕೋನ ಎಂದು ಭಾರತ ಹೇಳಿಲ್ಲ. 

ಈ ಪ್ರದೇಶಕ್ಕೆ ಸಂಬಂಧಿಸಿ ಅಮೆರಿಕದ ನಿಲುವು ಏನು ಎಂಬುದನ್ನು ಸುಷ್ಮಾ ಮತ್ತು ನಿರ್ಮಲಾ ಅವರು ಕೇಳಿ ತಿಳಿದುಕೊಳ್ಳಲಿದ್ದಾರೆ. ಇಂಡೊ–ಪೆಸಿಫಿಕ್‌ ಪ್ರದೇಶಕ್ಕೆ ಸಂಬಂಧಿಸಿ ಭಾರತ ಮತ್ತು ಅಮೆರಿಕದ ನಿಲುವಿನಲ್ಲಿ ಸಾಮ್ಯ ಇದೆ. ಆದರೆ ಅವೆರಡೂ ಒಂದೇ ಅಲ್ಲ. ಜೂನ್‌ 1ರಂದು ಚೀನಾದ ಶಾಂಗ್ರಿಲಾದಲ್ಲಿ ನಡೆದ ಸಂವಾದದ ಭಾಷಣದಲ್ಲಿಯೂ ಪ್ರಧಾನಿ ನರೇಂದ್ರ ಮೋದಿ ಇದನ್ನು ಸ್ಪಷ್ಟಪಡಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !