ಸೇನಾ ಉಪಗ್ರಹ ‘ಮೈಕ್ರೋಸ್ಯಾಟ್‌–ಆರ್‌’ ಯಶಸ್ವಿ ಉಡಾವಣೆ

ಇಸ್ರೊದ 44 ಮೀಟರ್‌ ಉದ್ದದ ‘ಪಿಎಸ್‌ಎಸ್‌ವಿ– ಸಿ44’ ಉಡಾವಣಾ ವಾಹಕ ಗುರುವಾರ ರಾತ್ರಿ 11.37ಕ್ಕೆ ಈ ಉಪಗ್ರಹವನ್ನು ಯಶಸ್ವಿಯಾಗಿ ಕಕ್ಷೆಗೆ ಸೇರಿಸಿತು. ‘ಮೈಕ್ರೋಸ್ಯಾಟ್‌–ಆರ್‌’740 ಕೆ.ಜಿ. ತೂಕವಿರುವ ಈ ಉಪಗ್ರಹ ಸೇನೆಗಾಗಿಯೇ ಬಳಸಲು ಉದ್ದೇಶಿಸಿದೆ.ಇಸ್ರೊಈ ಬಗ್ಗೆ ಹೆಚ್ಚಿನ ವಿವರ ನೀಡಿಲ್ಲ.

‘ಮೈಕ್ರೋಸ್ಯಾಟ್‌–ಆರ್‌’ ಜತೆಯಲ್ಲಿ ‘ಕಲಾಂಸ್ಯಾಟ್‌’ ಉಪಗ್ರಹವನ್ನು ಸಹ ಉಡಾಯಿಸಲಾಗಿತ್ತು. ₹12 ಲಕ್ಷ ವೆಚ್ಚದಲ್ಲಿ ನಿರ್ಮಿಸಿರುವ ಈ ಉಪಗ್ರಹವನ್ನು ನ್ಯಾನೊ ಉಪಗ್ರಹಗಳ ಸಂಪರ್ಕ ವ್ಯವಸ್ಥೆಯ ಅಧ್ಯಯನಕ್ಕೆ ಪ್ರಾಯೋಗಿಕವಾಗಿ ಬಳಸಲು ಉದ್ದೇಶಿಸಲಾಗಿದೆ. ಈ ಉಪಗ್ರಹದಿಂದ ವಿಪತ್ತು ನಿರ್ವಹಣೆ ಸಹಕಾರಿಯಾಗಲಿದೆ ಎಂದು ವಿಜ್ಞಾನಿಗಳುತಿಳಿಸಿದ್ದಾರೆ.