ಬುಧವಾರ, ಜನವರಿ 29, 2020
30 °C

ಇಸ್ರೋದಿಂದ ಉಪಗ್ರಹ ಯಶಸ್ವಿ ಉಡಾವಣೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಶ್ರೀಹರಿಕೋಟ: ಇಸ್ರೋ ಪಿಎಸ್ಎಲ್ ವಿ - ಸಿ48 ರಾಕೆಟ್ ಮೂಲಕ ಆರ್ ಐ ಸ್ಯಾಟ್ 2 ಬಿ ಆರ್ 1 ಉಪಗ್ರಹವನ್ನು ಬುಧವಾರ ಮಧ್ಯಾಹ್ನ 3.25ಕ್ಕೆ ಇಲ್ಲಿನ ಸತೀಶ್ ದವನ್ ಬಾಹ್ಯಾಕಾಶ ಕೇಂದ್ರದಿಂದ ಯಶಸ್ವಿಯಾಗಿ ಉಡಾವಣೆ ಮಾಡಲಾಗಿದೆ.

ಇದರ ಜೊತೆ 9 ವಿದೇಶಿ ಉಪಗ್ರಹಗಳನ್ನೂ ಒಯ್ದಿದೆ. ಆರ್ ಐ ಸ್ಯಾಟ್ 2 ಬಿ ಆರ್ 1 ಕೃಷಿ, ಭಾರತೀಯ ಸೇನೆ, ಅರಣ್ಯ ಹಾಗೂ ನೈಸರ್ಗಿಕ ವಿಕೋಪಗಳ ನಿರ್ವಹಣೆಗೆ ಸಹಾಯಕವಾಗಲಿದೆ ಎಂದು ಇಸ್ರೋ ಮೂಲಗಳು ತಿಳಿಸಿವೆ.

 

ಆರ್ಐಸ್ಯಾಟ್2 ಬಿಆರ್1 ಭೂವೀಕ್ಷಣೆಯ ಉಪಗ್ರಹವಾಗಿದ್ದು, ರಾಡಾರ್ ಮೂಲಕ ದೃಶ್ಯವನ್ನು ಸೆರೆಹಿಡಿಯಲಿದೆ. ಈ ಉಪಗ್ರಹವು 628 ಕೆಜಿ ತೂಕವಿದ್ದು, ಪಿಎಸ್ ಎಲ್ ವಿ-ಸಿ48 ರಾಕೆಟ್ 44.4 ಮೀಟರ್ ಎತ್ತರವಿದೆ. ಇದನ್ನು ಶುಭ್ರ ಆಕಾಶದ ಹಿನ್ನೆಲೆಯಲ್ಲಿ ಬುಧವಾರ ಮಧ್ಯಾಹ್ನ ಬಾಹ್ಯಾಕಾಶ ಕೇಂದ್ರದಿಂದ ಉಡಾವಣೆ ಮಾಡಲಾಗಿದೆ. ಇದು ಇಸ್ರೋದ ಪಿಎಸ್ ಎಲ್ ವಿಯ 50ನೇ ಉಪಗ್ರಹವಾಗಿದೆ. ಅಲ್ಲದೆ, ಶ್ರೀಹರಿಕೋಟದಿಂದ ಉಡಾವಣಾ ಮಾಡಲಾದ 75ನೇ ಉಪಗ್ರಹವಾಗಿದೆ.  9 ಉಪಗ್ರಹಗಳಲ್ಲಿ 6  ಅಮೆರಿಕಾ, ಒಂದು ಇಟಲಿ, ಒಂದು ಜಪಾನ್, ಒಂದು ಉಪಗ್ರಹ ಇಸ್ರೇಲ್ ರಾಷ್ಟ್ರಕ್ಕೆ ಸೇರಿದವು ಎಂದು ಮೂಲಗಳು ತಿಳಿಸಿವೆ.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು