ಜಿಸ್ಯಾಟ್–30, ಇಸ್ರೊ ಈ ಹಿಂದೆ ಉಡಾವಣೆ ಮಾಡಿದ್ದ ಐಎನ್ಸ್ಯಾಟ್/ಜಿಸ್ಯಾಟ್ ಸರಣಿಯ ಇನ್ನೊಂದು ಉಪಗ್ರಹವಾಗಿದ್ದು, ಇದು 12ಸಿ ಹಾಗೂ 12 ಕೆಯು ಬ್ಯಾಂಡ್ ಟ್ರಾನ್ಸ್ಪಾಂಡರ್ಗಳನ್ನು ಹೊಂದಿದೆ. ‘ಐಎನ್ಸ್ಯಾಟ್–4ಎ’ಯ ಕಾರ್ಯಾವಧಿಯು ಮುಕ್ತಾಯವಾಗುತ್ತಾ ಬಂದಿರುವುದರಿಂದ ಅದರ ಸ್ಥಾನವನ್ನು ಈ ಆಧುನಿಕ ಜಿಸ್ಯಾಟ್–30 ತುಂಬಲಿದೆ. ಡಿಟಿಎಚ್ ಟಿ.ವಿ. ಸೇವೆಗಳು ಹಾಗೂ ಸಂವಹನ ಸೇವೆಗಳ ಉದ್ದೇಶಕ್ಕಾಗಿ ಇದು ಬಳಕೆಯಾಗಲಿದೆ. ಇದು 15 ವರ್ಷ ಕೆಲಸ ಮಾಡಲಿದೆ ಎಂದು ಇಸ್ರೊ ಹೇಳಿದೆ.
