ಭಾನುವಾರ, ಜೂಲೈ 12, 2020
29 °C

ನೇಪಾಳ ಗಡಿಯಿಂದ ಜೈಷ್‌ ಉಗ್ರರ ಪ್ರವೇಶ ಸಾಧ್ಯತೆ: ಗುಪ್ತಚರ ಇಲಾಖೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Prajavani

ಪಟ್ನಾ: ಭಾರತ– ನೇಪಾಳ ಗಡಿ ಮೂಲಕ ಜೈಷ್‌–ಎ–ಮೊಹಮ್ಮದ್ ಉಗ್ರರು ದೇಶದೊಳಗೆ ಪ್ರವೇಶಿಸುವ ಬಗ್ಗೆ ಗುಪ್ತಚರ ಇಲಾಖೆ ಮಾಹಿತಿ ನೀಡಿದ್ದು, ಬಿಹಾರ ಪೊಲೀಸ್‌ನ ವಿಶೇಷ ದಳ ಗಡಿಯುದ್ದಕ್ಕೂ ಕಟ್ಟೆಚ್ಚರ ವಹಿಸಿದೆ. 

‘ಬಿಹಾರದ ಉತ್ತರ ಭಾಗದ ಜಿಲ್ಲೆಗಳ ಪೊಲೀಸ್‌ ವರಿಷ್ಠಾಧಿಕಾರಿಗಳಿಗೆ ಈ ಬಗ್ಗೆ ಸೂಚನೆ ನೀಡಲಾಗಿದೆ. ಜೈಷ್‌ ಮತ್ತು ತಾಲಿಬಾನ್‌ನ 20ರಿಂದ 25 ಉಗ್ರರ ಗುಂಪು ಜಮ್ಮು ಕಾಶ್ಮೀರದ ಗಡಿ ನಿಯಂತ್ರಣ ರೇಖೆ (ಎಲ್‌ಒಸಿ) ಮತ್ತು 5–6 ಗುಂಪು ನೇಪಾಳ ಗಡಿ ಮೂಲಕ ಪ‍್ರವೇಶಿಸುವ ಸಾಧ್ಯತೆ ಇದೆ’ ಎಂಬ ಎಚ್ಚರಿಕೆ ನೀಡಲಾಗಿದೆ. 

‘ಬಿಹಾರದ ಐಜಿ, ಡಿಐಜಿ, ಎಸ್‌ಪಿಗಳು ಗಡಿಯಲ್ಲಿ ಗಸ್ತನ್ನು ಹೆಚ್ಚಿಸಬೇಕು ಮತ್ತು ಓಡಾಡುವ ಜನರ ಮೇಲೆ ನಿಗಾ ಇಡಬೇಕು’ ಎಂಬ ಮಾಹಿತಿ ಇರುವ ಪ್ರತಿ ‘ಪ್ರಜಾವಾಣಿ’ಗೆ ಲಭ್ಯವಾಗಿದೆ.

ಬಿಹಾರ್‌– ನೇಪಾಳ ಗಡಿಯ ರಾಕ್ಸೌಲ್‌ನಲ್ಲಿ ಇಂಡಿಯನ್‌ ಮುಜಾಯಿದ್ದೀನ್‌ ಉಗ್ರ ಯಾಸೀನ್‌ ಭಟ್ಕಳ್‌ನನ್ನು 2013ರಲ್ಲಿ ಬಿಹಾರ ಪೊಲೀಸರು ಬಂಧಿಸಿದ್ದರು. ಇದೇ ಗಡಿಯಲ್ಲಿ ಈತನ ಸಹಚರ ಅಸಾದುಲ್ಲಾ ಅಖ್ತರ್‌ ಸಿಕ್ಕಿಬಿದ್ದಿದ್ದನು. ಇವರಿಬ್ಬರೂ ದೆಹಲಿ, ವಾರಾಣಸಿ, ಪುಣೆ, ಬೆಂಗಳೂರು ಮತ್ತು ಹೈದರಾಬಾದ್‌ ಬಾಂಬ್‌ ಸ್ಫೋಟಗಳಲ್ಲಿ ಭಾಗಿಯಾಗಿದ್ದರು.  

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು