ಬಿಸಿಲಿನಿಂದ ರಕ್ಷಿಸಿಕೊಳ್ಳಲು ಚಿಕ್ಕಮಕ್ಕಳು, ದೊಡ್ಡವರು ಈಜಿನ ಮೊರೆ ಹೋಗುತ್ತಿದ್ದಾರೆ. ಇಲ್ಲಿನ ದೇವರಬಾವಿ, ದೊಡ್ಡಬಾವಿ, ಅಕ್ಕತಂಗಿಯರ ಬಾವಿ ಸೇರಿದಂತೆ ನಗರದ ಹಲವು ಬಾವಿಗಳಲ್ಲಿ ಈಜಾಡುವವರ ಸಂಖ್ಯೆ ಹೆಚ್ಚಾಗಿದೆ. ನಗರ ಏಳು ಸುತ್ತು ಬೆಟ್ಟಗಳಿಂದ ಆವೃತ್ತವಾಗಿದೆ. ಸಂಜೆಯ ತನಕ ಬಿಸಿಲಿನಿಂದ ಕಾಯುವ ಬೆಟ್ಟಗಳು ರಾತ್ರಿಯಿಡೀ ಬಿಸಿ ಗಾಳಿಯನ್ನು ಸೂಸುತ್ತವೆ. ಇದು ಕೂಡ ಸ್ಥಳೀಯರನ್ನು ಹೈರಾಣಾಗಿಸಿದೆ. ರಾತ್ರಿ ಮಹಡಿಯ ಮೇಲೆ ಮಲಗಿದರೂ ತೊಂದರೆ ತಪ್ಪುತ್ತಿಲ್ಲ. ದಿನದಿಂದ ದಿನಕ್ಕೆ ಬಿಸಿಲಿನ ತಾಪಮಾನ ಹೆಚ್ಚುತ್ತಲೇ ಇದೆ. ಹೀಗಾಗಿ ನಗರ ಅಕ್ಷರಶಃ ಅಗ್ನಿಕುಂಡವಾಗುತ್ತಿದೆ.