ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಮಾಸ್ಕ್‌ ಧರಿಸದೇ ದಂಡ ತೆತ್ತ ಐಜಿಪಿ!

Last Updated 7 ಜೂನ್ 2020, 7:34 IST
ಅಕ್ಷರ ಗಾತ್ರ

ಕಾನ್ಪುರ : ಸಾರ್ವಜನಿಕ ಸ್ಥಳದಲ್ಲಿ ಮಾಸ್ಕ್ ಧರಿಸಿರಲಿಲ್ಲ ಎಂಬ ಕಾರಣಕ್ಕಾಗಿ ಕಾನ್ಪುರ ವಲಯದ ಐಜಿಪಿ ಮೋಹಿತ್ ಅಗರವಾಲ್ ಅವರು ದಂಡ ತೆತ್ತಿದ್ದಾರೆ.

ಮಾಸ್ಕ್ ಧರಿಸದೇ ಮನೆಯಿಂದ ಹೊರಗೆ ಬಂದಿದ್ದಕ್ಕಾಗಿ ತಮಗೆ ದಂಡ ವಿಧಿಸುವಂತೆ ಬರ್ರಾ ಪೊಲೀಸ್ ಠಾಣೆಯ ಅಧಿಕಾರಿಗೆ ಸೂಚಿಸುವ ಮೂಲಕ ಸ್ವತಃ ಮಾದರಿಯಾಗಿದ್ದಾರೆ.

₹ 100 ದಂಡ ವಿಧಿಸಿ ರಸೀದಿ ನೀಡಿದ್ದು, ಐಜಿಪಿ ಸ್ಥಳದಲ್ಲಿಯೇ ದಂಡ ಪಾವತಿಸಿದ್ದಾರೆ. ‘ಬರ್ರಾಗೆ ಪರಿಶೀಲನೆಗಾಗಿ ಬೆಳಿಗ್ಗೆ ತೆರಳಿದ್ದೆ. ಮಾಸ್ಕ್ ಧರಿಸದೇ ವಾಹನದಿಂದ ಕೆಳಗಿಳಿದಿದ್ದೆ’ ಎಂದು ಐಜಿಪಿ ಹೇಳಿದರು.

‘ಕೆಳಹಂತದ ಅಧಿಕಾರಿಗಳ ಜೊತೆಗೆ ನಾನು ಚರ್ಚೆ ಮಾಡಿದೆ. ಬಳಿಕ ನಾನೇ ಮಾಸ್ಕ್ ಧರಿಸಿಲ್ಲದೇ ತಪ್ಪು ಎಸಗಿದ್ದೇನೆ ಎಂಬುದು ಗಮನಕ್ಕೆ ಬಂದಿತು. ತಕ್ಷಣವೇ ಮಾಸ್ಕ್ ಹಾಕಿಕೊಂಡೆ. ಇಲ್ಲಿ ನೈತಿಕತೆಯ ಪ್ರಶ್ನೆಯೂ ಇದ್ದುದರಿಂದ ದಂಡ ವಿಧಿಸುವಂತೆ ಠಾಣಾಧಿಕಾರಿಗೆ ತಿಳಿಸಿದೆ’ ಎಂದು ಐಜಿಪಿ ಹೇಳಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT