ಬಿಜೆಪಿ ನೇತಾರ ಕೆ.ಸುರೇಂದ್ರನ್‍ಗೆ ಷರತ್ತುಬದ್ಧ ಜಾಮೀನು

23 ದಿನಗಳ ಜೈಲುವಾಸದ ನಂತರ ಜಾಮೀನು ಪಡೆದು ಸುರೇಂದ್ರನ್ ಇಂದು ಬಂಧಮುಕ್ತವಾಗಲಿದ್ದಾರೆ.

ಸುರೇಂದ್ರನ್ ಅವರು ಸುಪ್ರೀಂಕೋರ್ಟ್ ತೀರ್ಪು ಪಾಲಿಸಿಲ್ಲ. ಅವರನ್ನು ಎಷ್ಟು ದಿನಗಳ ಕಾಲ ಜೈಲಿನಲ್ಲಿಡುತ್ತೀರಾ? ಅವರೊಬ್ಬರೇನಾ ಆ ಪಕ್ಷದಲ್ಲಿರುವುದು ಎಂದು ವಿಚಾರಣೆ ವೇಳೆ ಹೈಕೋರ್ಟ್ ಕೇರಳ ಸರ್ಕಾರವನ್ನು ಪ್ರಶ್ನಿಸಿದೆ.

ಕಳೆದ ತಿಂಗಳು 17ರಂದು ಬಂಧಿತನಾದ ಸುರೇಂದ್ರನ್‍ಗೆ ರಾನ್ನಿ ನ್ಯಾಯಾಲಯ ಜಾಮೀನು ನಿರಾಕರಿಸಿತ್ತು.

ಚಿತ್ತಿರಆಟ್ಟ ವಿಶೇಷ ದಿನದಂದು ಶಬರಿಮಲೆಗೆ ಆಗಮಿಸಿದ 52ರಹರೆಯದ ಮಹಿಳೆಯ ವಿರುದ್ಧ ನಡೆದ ಪ್ರತಿಭಟನೆ ಪಿತೂರಿಯಿಂದ ಕೂಡಿತ್ತು. ಅದರಲ್ಲಿ ಸುರೇಂದ್ರನ್ ಭಾಗಿಯಾಗಿದ್ದಾರೆ ಎಂದು ಆರೋಪವಿದೆ.

ಕೋಯಿಕ್ಕೋಡ್‍ನಲ್ಲಿ 2013ರಲ್ಲಿ ಬಿಜೆಪಿ ನೇತೃತ್ವದಲ್ಲಿ ನಡೆದ ರೈಲು ತಡೆ ಮುಷ್ಕರ, 2016ರಲ್ಲಿ ಸಿಟಿ ಪೊಲೀಸ್ ಆಯುಕ್ತರ ಕಚೇರಿಗೆ ನಡೆಸಿದ ಮಾರ್ಚ್ ಈ ಎರಡು ಪ್ರಕರಣಗಳಲ್ಲಿ ಸುರೇಂದ್ರನ್‌ಗೆ ಜಾಮೀನು ಲಭಿಸಿದೆ.