ವಿಧಿಯನ್ನು ಅತ್ಯಾಚಾರಕ್ಕೆ ಹೋಲಿಕೆ: ಕಾಂಗ್ರೆಸ್‌ ಸಂಸದ ಪತ್ನಿ ವಿರುದ್ಧ ಆಕ್ರೋಶ

ಸಾಮಾಜಿಕ ಜಾಲತಾಣಗಳ ಮೂಲಕ ಜನರು ಆಕ್ರೋಶ–ಅಸಮಾಧಾನ ಹೊರಹಾಕುತ್ತಿದ್ದಂತೆಯೇ ಎಚ್ಚರಗೊಂಡ ಅನ್ನಾ, ತಮ್ಮ ಲೇಖನ ಹಾಗೂ ವಿಡಿಯೊಗಳನ್ನು ತೆಗೆದು ಹಾಕಿದ್ದಾರೆ.‘ನನ್ನ ತಂದೆ ಆರೋಗ್ಯ ಹದಗೆಟ್ಟಿದ್ದು, ಆ ದುಃಖವನ್ನು ಮರೆಯುವ ಉದ್ದೇಶದಿಂದ ಈ ರೀತಿ ಬರೆದಿದ್ದಾಗಿ ಸ್ಪಷ್ಟನೆಯನ್ನೂ ನೀಡಿದ್ದಾರೆ.

ಏನಿದು ವಿವಾದ?: ‘ವಿಧಿ ಎಂಬುದು ಅತ್ಯಾಚಾರ ಇದ್ದಂತೆ. ಅದಕ್ಕೆ ಪ್ರತಿರೋಧ ಒಡ್ಡಲಾಗದಿದ್ದರೆ, ಅದನ್ನೇ ಸಂಭ್ರಮಿಸಬೇಕು’ ಎಂಬುದಾಗಿ ಅನ್ನಾ ಪೋಸ್ಟ್‌ ಹಾಕಿದ್ದರು.

ಮಳೆ ನೀರು ಮನೆಗೆ ನುಗ್ಗಿತ್ತು. ತೊಂದರೆಯಲ್ಲಿ ಸಿಲುಕಿದ್ದ ಮಗಳು ಹೊರಬರಲು ಯತ್ನಿಸುತ್ತಿದ್ದಳು. ಇನ್ನೊಂದೆಡೆ, ಪತಿ ಬಿಸಿಬಿಸಿ ತಿಂಡಿ ತಿನ್ನುತ್ತಿದ್ದರು. ಈ ಎರಡು ವಿಡಿಯೊಗಳನ್ನು ಫೇಸ್‌ಬುಕ್‌ನಲ್ಲಿ ಅಪ್‌ಲೋಡ್‌ ಮಾಡಿದ್ದ ಅವರು, ಪತಿ ಹಾಗೂ ಮಗಳು ಅನುಭವಿಸುತ್ತಿದ್ದ ಪರಿಸ್ಥಿತಿಯನ್ನು ವಿವರಿಸಲು ಈ ವಾಕ್ಯ ಬರೆದಿದ್ದಾಗಿ ಹೇಳಿಕೊಂಡಿದ್ದಾರೆ.