ನವದೆಹಲಿ: ಮಹೀಂದ್ರಾ, ಟಾಟಾ, ರೆನೊ, ಟೊಯೋಟ ಕಂಪನಿಗಳ ವಾಹನಗಳ ಬೆಲೆಗಳು ಏಪ್ರಿಲ್ನಿಂದ ಹೆಚ್ಚಾಗಲಿವೆ.
ಯುಟಿಲಿಟಿ ವಾಹನ ತಯಾರಿಕೆಯಲ್ಲಿ ಮುಂಚೂಣಿಯಲ್ಲಿರುವ ಮಹೀಂದ್ರಾ ಆ್ಯಂಡ್ ಮಹೀಂದ್ರಾ ಕಂಪನಿಯು ಏಪ್ರಿಲ್ನಿಂದ ತನ್ನ ಪ್ರಯಾಣಿಕ ವಾಹನಗಳ ಬೆಲೆಯನ್ನು ₹ 5 ಸಾವಿರದಿಂದ ₹ 73 ಸಾವಿರದವರೆಗೂ ಏರಿಕೆ ಮಾಡಲಿದೆ.
ತಯಾರಿಕಾ ವೆಚ್ಚದಲ್ಲಿ ಏರಿಕೆ ಆಗುತ್ತಿರುವುದರಿಂದ ಶೇ 0.5 ರಿಂದ ಶೇ 2.7ರವರೆಗೂ ಬೆಲೆ ಏರಿಕೆಗೆ ನಿರ್ಧರಿಸಲಾಗಿದೆ ಎಂದು ಕಂಪನಿ ತಿಳಿಸಿದೆ.
ಟಾಟಾ ಮೋಟರ್ಸ್ ₹ 25 ಸಾವಿರದವರೆಗೆ ಬೆಲೆ ಏರಿಸಲಿದೆ. ರೆನೊ ಕ್ವಿಡ್ ಶೇ 3ರಷ್ಟು ದುಬಾರಿಯಾಗಲಿದೆ. ಟೊಯೋಟದ ವಿವಿಧ ವಾಹನಗಳು ಮತ್ತು ಜಾಗ್ವಾರ್ ಲ್ಯಾಂಡ್ ರೋವರ್ ಬೆಲೆಯೂ ಹೆಚ್ಚಳಗೊಳ್ಳಲಿದೆ.