ಹರಿಯಾಣದಲ್ಲಿ ಜಾನುವಾರು ಕಳ್ಳತನ ಶಂಕೆ: ವ್ಯಕ್ತಿಯ ಹತ್ಯೆ

7

ಹರಿಯಾಣದಲ್ಲಿ ಜಾನುವಾರು ಕಳ್ಳತನ ಶಂಕೆ: ವ್ಯಕ್ತಿಯ ಹತ್ಯೆ

Published:
Updated:
Deccan Herald

ಚಂಡೀಗಡ: ಹರಿಯಾಣದಲ್ಲಿ ಶನಿವಾರ ಜಾನುವಾರು ಕಳ್ಳ ಎಂಬ ಶಂಕೆಯ ಮೇಲೆ 25 ವರ್ಷದ ವ್ಯಕ್ತಿಯನ್ನು ಚೆನ್ನಾಗಿ ಥಳಿಸಿ, ಕೊಲೆ ಮಾಡಲಾಗಿದೆ.

ಪಲವಾಲ್‌ ಜಿಲ್ಲೆಯ ಬೆಹರೋಲಾ ಗ್ರಾಮದ ಮನೆಯೊಂದರಲ್ಲಿ ಜಾನುವಾರು ರಕ್ಷಣೆಗೆ ಕಟ್ಟಿದ್ದ ಪರದೆ ಯನ್ನು ಯುವಕ ಕತ್ತರಿಸುತ್ತಿದ್ದು. ಅದನ್ನು ನೋಡಿದ ಮನೆಯ ಮಾಲೀಕರು ಆತ ದನಗಳನ್ನು ಕಳ್ಳತನ ಮಾಡಲು ಬಂದಿದ್ದಾನೆ ಎಂದು ಶಂಕಿಸಿ ಹಿಡಿದು ಚೆನ್ನಾಗಿ ಥಳಿಸಿದ್ದಾರೆ. ಈತನ ಜೊತೆಗಿದ್ದ ಇನ್ನಿಬ್ಬರು ಸ್ಥಳದಿಂದ ಪರಾರಿಯಾಗಿದ್ದಾರೆ.

ತೀವ್ರವಾಗಿ ಗಾಯಗೊಂಡ ಯುವಕ ಸ್ಥಳದಲ್ಲಿಯೇ ಮೃತಪಟ್ಟಿದ್ದಾನೆ. ಮೃತನ ಗುರುತು ಪತ್ತೆಯಾಗಿಲ್ಲ. ಘಟನೆಗೆ ಸಂಬಂಧಿಸಿದಂತೆ ಸಹೋದರರಾದ ಬೀರ್‌ ಸಿಂಗ್‌, ಪ್ರಕಾಶ್‌ ಮತ್ತು ರಾಮ್‌ ಕಿಶನ್‌ ವಿರುದ್ಧ ಪ್ರಕರಣ ದಾಖಲಾಗಿದೆ. ಒಬ್ಬ ಆರೋಪಿಯನ್ನು ಬಂಧಿಸಲಾಗಿದೆ.

ಗುಟ್ಕಾ ಕೊಡದ ದಲಿತನಿಗೆ ಬೆಂಕಿ!

ಆಗ್ರಾ ವರದಿ: ಉತ್ತರ ಪ್ರದೇಶದ ಮಥುರಾದ ಸಪೋಹಾ ಗ್ರಾಮದಲ್ಲಿ ಗುಟ್ಕಾ ಕೊಡಲು ನಿರಾಕರಿಸಿದ ದಲಿತ ವ್ಯಕ್ತಿಯ ಮೇಲೆ ಮೇಲ್ವರ್ಗದ ಯುವಕರಿಬ್ಬರು ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿದ್ದಾರೆ.

ಸುಟ್ಟ ಗಾಯಗಳಿಂದ ಬಳಲುತ್ತಿದ್ದ ಪರದೇಸಿ ಎಂಬ ಯುವಕನನ್ನು ಸ್ಥಳೀಯರು ಜಿಲ್ಲಾ ಆಸ್ಪತ್ರೆಗೆ ಸೇರಿಸಿದ್ದು, ಪ್ರಾಣಾಪಾಯದಿಂದ ಪಾರಾಗಿದ್ದಾನೆ ಎಂದು ವೈದ್ಯರು ತಿಳಿಸಿದ್ದಾರೆ.

ದಿನಸಿ ಅಂಗಡಿಗೆ ತೆರಳಿದ್ದ ಪರದೇಸಿಯನ್ನು ರಾಜು ಠಾಕೂರ್‌ ಮತ್ತು ರಾಹುಲ್‌ ಠಾಕೂರ್‌ ಎಂಬುವರು ಗುಟ್ಕಾ ಕೇಳಿದ್ದಾರೆ. ಗುಟ್ಕಾ ಕೊಡಲು ನಿರಾಕರಿಸಿದ್ದರಿಂದ ಸೀಮೆಎಣ್ಣೆ ಸುರಿದು ಬೆಂಕಿ ಹಚ್ಚಿದ್ದಾರೆ ಎಂದು ಪರದೇಸಿ ಸಹೋದರ ಪೊಲೀಸರಿಗೆ ನೀಡಿದ ದೂರಿನಲ್ಲಿ ತಿಳಿಸಿದ್ದಾನೆ. 

 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 2

    Angry

Comments:

0 comments

Write the first review for this !