ಪಣಜಿ: ‘ಗೋವಾ ಮುಖ್ಯಮಂತ್ರಿ ಮನೋಹರ್ ಪರ್ರೀಕರ್ ಸ್ಥಿತಿ ತೀರಾ ಗಂಭೀರವಾಗಿದೆ. ದೇವರ ದಯೆಯಿಂದ ಅವರು ಜೀವಂತವಾಗಿದ್ದಾರೆ’ ಎಂದು ಗೋವಾ ವಿಧಾನಸಭೆಯ ಉಪಾಧ್ಯಕ್ಷ, ಬಿಜೆಪಿ ಹಿರಿಯ ನಾಯಕ ಮೈಕಲ್ ಲೋಬೊ ಸೋಮವಾರ ಹೇಳಿದ್ದಾರೆ.
ಕ್ಯಾನ್ಸರ್ನಿಂದ ಬಳಲುತ್ತಿರುವ ಪರ್ರೀಕರ್, ಸದ್ಯ ನವದೆಹಲಿಯ ಏಮ್ಸ್ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಈ ಮಧ್ಯೆ ‘ಮನುಷ್ಯನ ಮನಸಿಗೆ ಅಗಾಧ ಶಕ್ತಿಯಿದೆ. ಯಾವುದೇ ಕಾಯಿಲೆಯಿಂದ ಹೊರಬರಲು ಮನಸಿಗೆ ಸಾಧ್ಯವಿದೆ’ ಎಂದು ಮನೋಹರ್ ಪರ್ರೀಕರ್ ಟ್ವೀಟ್ ಮಾಡಿದ್ದಾರೆ.
