‘ಬಾಬರಿ ಮಸೀದಿಯ ಮೇಲೆ ಏರಿ ಅದನ್ನು ಒಡೆದು ಹಾಕಿದವರಲ್ಲಿ ನಾನೂ ಒಬ್ಬಳು, ಆ ಬಗ್ಗೆ ನನಗೆ ಹೆಮ್ಮೆ ಇದೆ’ ಎಂದು ಪ್ರಜ್ಞಾ ಅವರು ಭಾನುವಾರ ಸುದ್ದಿ ವಾಹಿನಿ ಯೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಹೇಳಿದ್ದರು. ಅದಕ್ಕಾಗಿ ಚುನಾವಣಾ ಆಯೋಗದಿಂದ ನೋಟಿಸ್ ಪಡೆದಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಅವರು ನಮೂದಿಸಿರುವ ಜನ್ಮ ದಿನಾಂಕವನ್ನು ದಾಖಲೆಯಾಗಿ ತೆಗೆದುಕೊಂಡರೆ, ಬಾಬರಿ ಮಸೀದಿಯ ಮೇಲೆ ಏರುವಾಗ (1992) ಅವರ ವಯಸ್ಸು ಕೇವಲ ನಾಲ್ಕು ವರ್ಷ. ಇದನ್ನಿಟ್ಟುಕೊಂಡು ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಸಾಧ್ವಿಯ ಕಾಲೆಳೆಯಲಾಗುತ್ತಿದೆ.