ಮಿಂಚಿನ ಕಣ್ಣೋಟಕ್ಕೆ ಸರಿಸಾಟಿ ನೀಡುವ ಕಣ್ರೆಪ್ಪೆಗೆ ಸೌಂದರ್ಯ ಪರಿಕಲ್ಪನೆಯಲ್ಲಿ ಪ್ರಮುಖ ಆದ್ಯತೆ. ಹೊಳಪಾದ ಉದ್ದನೆಯ ರೆಪ್ಪೆ ಎಲ್ಲರಿಗೂ ಒಲಿಯುವುದಿಲ್ಲ. ಆದರೆ ಇರುವ ರೆಪ್ಪೆಯನ್ನು ನೈಸರ್ಗಿಕ ವಸ್ತುಗಳಿಂದ ಜೋಪಾನ ಮಾಡುವುದು ಸಾಧ್ಯ.
* ರಾತ್ರಿ ಮಲಗುವಾದ ಎರಡು ಹನಿ ಹರಣೆಳ್ಳೆ, ಟೀ ಟ್ರೀ ಎಣ್ಣೆಯ ಮಿಶ್ರಣವನ್ನು ಕಣ್ಣಿಗೆ ಹಚ್ಚಿ. ಹೀಗೆ ಮಾಡುವುದರಿಂದ ಕಣ್ರೆಪ್ಪೆ ದಟ್ಟವಾಗುತ್ತದೆ.
* ತೆಳುವಾದ ರೆಪ್ಪೆ ಇರುವವರು ಮಲಗುವ ಮೊದಲು ರೆಪ್ಪೆಗೆ ಹರಳೆಣ್ಣೆ, ಸಾಸಿವೆಎಣ್ಣೆ, ತೆಂಗಿನೆಣ್ಣೆ ಹಚ್ಚಿಕೊಳ್ಳಿ. ಕ್ರಮೇಣ ಕಣ್ಣಿನ ರೆಪ್ಪೆ ಬೆಳೆಯಲು ಪ್ರಾರಂಭವಾಗುತ್ತದೆ.
* ರೆಪ್ಪೆಗೆ ಮಸ್ಕರ ಹಚ್ಚಿದ್ದರೆ ತುಂಬಾ ಹೊತ್ತು ಬಿಡಬೇಡಿ. ಕೊಬ್ಬರಿ ಎಣ್ಣೆಯನ್ನು ಹತ್ತಿಯಲ್ಲಿ ಅದ್ದಿ ಮೇಕಪ್‌ ತೆಗೆಯಿರಿ.
* ನಿಂಬೆಹಣ್ಣಿನ ಸಿಪ್ಪೆಯನ್ನು ಹರಳೆಣ್ಣೆಯಲ್ಲಿ ಹಾಕಿ ಎರಡು, ಮೂರು ದಿನ ಬಿಡಿ. ರಾತ್ರಿ ಮಲಗುವಾಗ ಆ ಎಣ್ಣೆಯನ್ನು ರೆಪ್ಪೆಗೆ ಹಚ್ಚಿಕೊಳ್ಳಿ.
* ಗ್ರೀನ್‌ ಟೀ ಎಲೆಗಳನ್ನು ಬಿಸಿ ನೀರಿನಲ್ಲಿ ಹಾಕಿ. ನೀರು ತಣ್ಣಗಾದ ಮೇಲೆ ಆ ನೀರನ್ನು ರೆಪ್ಪೆಗೆ ಹಚ್ಚಿ. ಇದರಿಂದ ರೆಪ್ಪೆಗಳು ಬಲವಾಗುತ್ತವೆ.
* ವಿಟಮಿನ್‌–ಇ ಹೆಚ್ಚಿರುವ ಆಹಾರ ಸೇವನೆಯಿಂದಲೂ ರೆಪ್ಪೆಗಳು ಚೆನ್ನಾಗಿ ಬೆಳೆಯುತ್ತವೆ. ಸೇಬು, ಪೇರಳೆ, ಸಿಟ್ರಸ್‌ ಅಂಶವಿರುವ ಹಣ್ಣುಗಳು, ಬೀನ್ಸ್‌, ಹೂಕೋಸ್‌, ಬ್ರೊಕೊಲಿ, ಟೊಮೆಟೊ, ಮೊಟ್ಟೆ, ಮೀನು, ಸೂರ್ಯಕಾಂತಿ ಬೀಜ, ಹಾಲು ಕಣ್ಣಿನ ರೆಪ್ಪೆಯನ್ನು ಅಂದಗಾಣಿಸಲು ನೆರವಾಗುತ್ತದೆ.
* ಲೊಳೆಸರವನ್ನು ಮಸ್ಕರ ಹಚ್ಚುವ ಬ್ರಷ್‌ನಿಂದ ಕಣ್ಣಿನ ರೆಪ್ಪೆಗೆ ಹಚ್ಚಿಕೊಳ್ಳಿ. ರೆಪ್ಪೆ ಬಲಗೊಳ್ಳುತ್ತದೆ.
