ಗುರುವಾರ , ಜುಲೈ 7, 2022
25 °C

20 ಲಕ್ಷ ಮುಸ್ಲಿಮರಿಂದ ಹಜ್‌ ಯಾತ್ರೆ

ಎಪಿ Updated:

ಅಕ್ಷರ ಗಾತ್ರ : | |

Deccan Herald

ಮೆಕ್ಕಾ: ಪ್ರಸಕ್ತ ವರ್ಷದ ಹಜ್‌ ಯಾತ್ರೆಯ ಮೊದಲ ದಿನವಾದ ಭಾನುವಾರ ಮೆಕ್ಕಾಗೆ 20 ಲಕ್ಷಕ್ಕೂ ಹೆಚ್ಚು ಮುಸ್ಲಿಮರು ಭೇಟಿ ನೀಡಿದ್ದಾರೆ. 

ಭಾರತವೂ ಸೇರಿದಂತೆ ವಿಶ್ವದೆಲ್ಲೆಡೆ ಇರುವ ಮುಸ್ಲಿಂ ಯಾತ್ರಿಗಳು ಸೌದಿ ಅರೇಬಿಯಾದ ಮೆಕ್ಕಾಗೆ ಹಜ್‌ ಯಾತ್ರೆ ಅಂಗವಾಗಿ ಭೇಟಿ ನೀಡಿ, ದಿನಕ್ಕೆ ಐದು ಬಾರಿ ಪ್ರಾರ್ಥನೆ ಸಲ್ಲಿಸಿದ್ದಾರೆ. 

ಐದು ದಿನ ನಡೆಯುವ ಈ ಸಮಾರಂಭವು ಮುಸ್ಲಿಮರ ಪಾಲಿಗೆ ಅತಿದೊಡ್ಡ ಉತ್ಸವವಾಗಿದೆ. ಪ್ರತಿ ಮುಸ್ಲಿಮನೂ ಜೀವನದಲ್ಲೊಮ್ಮೆ ಹಜ್‌ ಯಾತ್ರೆ ಕೈಗೊಳ್ಳಬೇಕೆಂಬ ಹಂಬಲ ಹೊಂದಿರುತ್ತಾನೆ. ದೇವರಿಗೆ ಹತ್ತಿರವಾಗುವ ಸಂದರ್ಭವಿದು ಎಂದು ಮುಸ್ಲಿಮರು ಭಾವಿಸುತ್ತಾರೆ.

‘ವಿಶ್ವದ ಎಲ್ಲೆಡೆ ಇರುವ ಇಸ್ಲಾಮಿಕ್‌ ರಾಷ್ಟ್ರಗಳು ಅಭಿವೃದ್ಧಿ ಕಾಣಲಿ ಎಂದು ನಾನು ಅಲ್ಲಾಹುವಿನಲ್ಲಿ ಪ್ರಾರ್ಥಿಸಿದೆ’ ಎಂದು ಈಜಿಪ್ಟ್‌ನಿಂದ ಬಂದಿದ್ದ ಯಾತ್ರಿ ಎಸ್ಸಾಂ ಇದಿನ್‌ ಅಫಿಫಿ ಹೇಳಿದರು.

ಕತಾರ್‌ ಅಸಮಾಧಾನ

‘ಪವಿತ್ರ ಹಜ್‌ ಯಾತ್ರೆಯಲ್ಲಿ ಪಾಲ್ಗೊಳ್ಳಲು ಸಾಧ್ಯವಾಗದಂತೆ ಸೌದಿ ಅರೇಬಿಯಾವು ನಮ್ಮ ನಾಗರಿಕರಿಗೆ ನಿರ್ಬಂಧ ವಿಧಿಸಿದೆ’ ಎಂದು ಕತಾರ್‌ ಅಸಮಾಧಾನ ವ್ಯಕ್ತಪಡಿಸಿದೆ.  ‘ಈ ವರ್ಷ ಮೆಕ್ಕಾಗೆ ತೆರಳಲು ಕತಾರ್‌ ನಾಗರಿಕರಿಗೆ ಸರ್ಕಾರ ಅವಕಾಶ ನೀಡಿಲ್ಲ. ಅವರಿಗೆ ವೀಸಾ ನೀಡಲಾಗುತ್ತಿಲ್ಲ’ ಎಂದು ತಿಳಿಸಿದ್ದಾರೆ. 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು