ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಸ್ವರಾ ಸೌಂದರ್ಯ ರಹಸ್ಯ

Last Updated 11 ಜೂನ್ 2018, 19:30 IST
ಅಕ್ಷರ ಗಾತ್ರ

ಕಲಾವಿದರಿಗೆ, ಸಿನಿಮಾ ಚಿತ್ರನಟ, ನಟಿಯರಿಗೆ ಸೌಂದರ್ಯವೇ ಬಂಡವಾಳ. ಆಕರ್ಷಕ ದೇಹಕಾಂತಿ ಹೊಂದಲು ಅವರು ಮಾಡುವ ಸರ್ಕಸ್ಸುಗಳು ಒಂದೆರಡಲ್ಲ. ‘ವೀರೆ ದಿ ವೆಡ್ಡಿಂಗ್‌’ ಸಿನಿಮಾದ ನಾಲ್ವರು ನಾಯಕಿಯರಲ್ಲಿ ಒಬ್ಬರಾದ ಸ್ವರಾ ಭಾಸ್ಕರ್‌ ಫಿಟ್‌ ಆಗಿರಲು ನಾನಾ ಕಸರತ್ತು ನಡೆಸುತ್ತಾರೆ. ತಲೆಯಿಂದ ಮುಡಿ ತನಕವೂ ಫಿಟ್‌ನೆಸ್‌ ಬಗ್ಗೆ ಆಲೋಚಿಸುವ ಅವರು ಪ್ರತಿದಿನ ಬೇರೆ ಬೇರೆ ರೀತಿಯ ವ್ಯಾಯಾಮಗಳನ್ನು ಮಾಡುತ್ತಾರೆ. ಆರೋಗ್ಯಕರ ಆಹಾರಸೇವನೆಯೂ ಫಿಟ್‌ನೆಸ್‌ನಲ್ಲಿ ಮುಖ್ಯ ಎಂಬ ನಂಬಿಕೆ ಅವರದು.

'ವೀರೆ ದಿ ವೆಡ್ಡಿಂಗ್‌' ಸಿನಿಮಾ ಚಿತ್ರೀಕರಣ ಆರಂಭವಾಗುವ ಎರಡು ತಿಂಗಳ ಮುಂಚೆ ಸ್ವರಾ ಕಿಟೋಜೆನಿಕ್‌ ಡಯೆಟ್‌ ಆರಂಭಿಸಿದರು. ಇದು ಸರಿಯಾದ ಸಮಯದಲ್ಲಿ ಆಹಾರ ಸೇವನೆ ಮಾಡಿ, ತೂಕ ಇಳಿಸಿಕೊಳ್ಳಲು ಸಹಾಯ ಮಾಡಿತಂತೆ. ಉಪವಾಸ ಮಾಡಿ ತೂಕ ಕಳೆದುಕೊಳ್ಳಬಹುದು ಎಂಬುದು ಬರೀ ತಪ್ಪುನಂಬಿಕೆಯಷ್ಟೇ ಎಂದು ಸ್ವರಾ ಹೇಳಿದ್ದಾರೆ. ಕೆಟೋ ಜೆನಿಕ್‌ ಡಯೆಟ್‌ ಆಹಾರ ಕ್ರಮದಲ್ಲಿ ಕಡಿಮೆ ಕಾರ್ಬೋ ಹೈಡ್ರೇಟ್‌ಗಳು ಇರುತ್ತವೆ. ಇದು ದೇಹದಲ್ಲಿ ಕೆಟೋನ್‌ಗಳನ್ನು ಉತ್ಪತ್ತಿ ಮಾಡುತ್ತದೆ. ಈ ಕೆಟೋನ್‌ಗಳು ಕೊಬ್ಬನ್ನು ಕಡಿಮೆ ಮಾಡುತ್ತದೆ. ಈ ಡಯೆಟ್‌ನಿಂದ ನಾನು ಕಡಿಮೆ ಸಮಯದಲ್ಲಿ ತೂಕ ಇಳಿಸಿಕೊಂಡೆ ಎನ್ನುತ್ತಾರೆ ಸ್ವರಾ.

ಟ್ರೈನರ್‌ ಗಳಾದ ರೋಹನ್ ಹಾಗೂ ಸುಶಾಂತ್‌ ಸಾವಂತ್‌ ಅವರ ಮಾರ್ಗದರ್ಶನದಲ್ಲಿ ಸ್ವರಾ ವರ್ಕೌಟ್‌ ಮಾಡುತ್ತಾರೆ. ಸ್ವರಾ ಪ್ರತಿದಿನ ಕಾರ್ಡಿಯೋ ಮಾಡುತ್ತಾರೆ. ಇವರು ಹೆಚ್ಚು ಶ್ರಮ ಬೇಡುವ ವ್ಯಾಯಾಮಗಳನ್ನು ಮಾಡುತ್ತಾರೆ. ಇದರಿಂದ ಕಿಬ್ಬೊಟ್ಟೆಯ ಕೊಬ್ಬು ಪರಿಣಾಮಕಾರಿ ಅತಿ ಬೇಗ ಕಡಿಮೆಯಾಗುತ್ತದೆ ಎಂಬ ಮಾತು ಸ್ವರಾದು. ನಿಯಮಿತ ಕಾರ್ಡಿಯೊದಿಂದ ದೇಹದ ಸಮತೋಲನ, ಆಕಾರ, ಸ್ನಾಯುಬಲ ಸುಧಾರಿಸಿದೆ ಎನ್ನುತ್ತಾರೆ ಸ್ವರಾ. ಇದಲ್ಲದೇ ಡಂಬಲ್ಸ್‌, ಬಾಡಿ ವೈಟ್‌ ಹಾಗೂ ಇತರ ಫಿಟ್‌ನೆಸ್‌ ಚಟುವಟಿಕೆಗಳನ್ನೂ ಮಾಡುವ ಇವರು, ಆಹಾರ ಸೇವನೆಯಲ್ಲಿ ತೀರಾ ಕಟ್ಟುನಿಟ್ಟು. ಶೂಟಿಂಗ್‌ ಇರಲಿ, ಇಲ್ಲದೇ ಇರಲಿ, ಇರುವ ಕಡಿಮೆ ಕೊಬ್ಬಿನಾಂಶ ಇರುವ, ಮನೆಯೂಟವನ್ನೇ ಸೇವಿಸುತ್ತಾರೆ. ಇನ್ನು ಇವರ ಆಹಾರ ಪಟ್ಟಿಯಲ್ಲಿ ತರಕಾರಿಗಳು ಹಾಗೂ ಹಣ್ಣುಗಳು ಇದ್ದೇ ಇರುತ್ತವೆ. ಅಧಿಕ ಪ್ರೋಟೀನ್‌ ಇರುವ ಯೋಗರ್ಟ್‌ ಸೇವಿಸುತ್ತಾರೆ. ದಹಿ– ಚಾವಲ್‌ ಇವರ ನೆಚ್ಚಿನ ಆಹಾರ. ಇವರು ಆಹಾರ ಸೇವನೆ ಹಾಗೂ ಡಯೆಟ್‌ ವಿಚಾರದಲ್ಲಿ ರಾಜಿಯಾಗುವುದೇ ಇಲ್ಲ. ಶಿಸ್ತು ಇದ್ದರೆ ಫಿಟ್‌ನೆಸ್‌ ಗುರಿ ಮುಟ್ಟಬಹುದು ಎಂದು ಸಲಹೆ ನೀಡುತ್ತಾರೆ.

ಪರೋಟ ಹಾಗೂ ಐಸ್‌ಕ್ರೀಂ ಗಳನ್ನು ಇಷ್ಟಪಡುವ ಸ್ವರಾ ಹೊಸ ಸ್ಥಳಕ್ಕೆ ಭೇಟಿ ನೀಡುವಾಗ ಅಲ್ಲಿ ಡಯೆಟ್‌ ಮರೆತು ಹೊಸ ರುಚಿ ಆಸ್ವಾದಿಸುತ್ತಾರೆ. ಆದರೆ ತಿಂದ ಕೊಬ್ಬನ್ನು ಕರಗಿಸಿಕೊಳ್ಳಲು 1– 2 ತಾಸು ಹೆಚ್ಚು ಹೊತ್ತು ಜಿಮ್‌ನಲ್ಲಿ ಕಠಿಣ ಅಭ್ಯಾಸ ಮಾಡುತ್ತೇನೆ ಎನ್ನುತ್ತಾರೆ. 

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT