ಶನಿವಾರ, ಜುಲೈ 31, 2021
27 °C

ಕಂಟೈನ್‌ಮೆಂಟ್ ಹಣೆಪಟ್ಟಿಯಿಂದ ಮುಕ್ತಿಪಡೆದ ದೆಹಲಿಯ 'ನಿಜಾಮುದ್ದೀನ್‌'

ಏಜೆನ್ಸೀಸ್‌ Updated:

ಅಕ್ಷರ ಗಾತ್ರ : | |

ನವದೆಹಲಿ: ಇಲ್ಲಿನ ನಿಜಾಮುದ್ದೀನ್‌ ಪ್ರದೇಶ ಕಂಟೈನ್‌ಮೆಂಟ್ ಹಣೆಪಟ್ಟಿಯಿಂದ ಮುಕ್ತಿಪಡೆದಿದ್ದು ದೆಹಲಿ ಸರ್ಕಾರ ಲಾಕ್‌ಡೌನ್‌ ಅನ್ನು ಸಡಿಲಗೊಳಿಸಿದೆ.

ಸ್ಥಳೀ ಜಿಲ್ಲಾಡಳಿತ ಕಳೆದ ಮೂರು ದಿನಗಳ ಹಿಂದೆ 70 ದಿನಗಳ ಬಳಿಕ ನಿಜಾಮುದ್ದೀನ್‌ ಪ್ರದೇಶ ಕಂಟೈನ್‌ಮೆಂಟ್ ಪ್ರದೇಶವಲ್ಲ ಎಂದು
ಘೋಷಣೆ ಮಾಡುವ ಲಾಕ್‌ಡೌನ್‌ ಸಡಿಲಗೊಳಿಸಿತು. ಆದರೂ ಕೊರೊನಾ ವೈರಸ್‌ ಭಯದಿಂದಾಗಿ ಸಹಜ ಸ್ಥಿತಿಗೆ ಮರಳಲು
ಸಾಧ್ಯವಾಗಿಲ್ಲ. ಲಾಕ್‌ಡೌನ್‌ ಕರಿನೆರಳು ಹಾಗೆಯೇ ಮುಂದುವರೆದಿದೆ.

ಇದನ್ನೂ ಓದಿ: Explainer | ತಬ್ಲೀಗಿ ಜಮಾತ್ ಮುಖ್ಯಸ್ಥ ಮೌಲಾನಾ ಸಾದ್ ಯಾರು? ಇಲ್ಲಿದೆ ಮಾಹಿತಿ​

ನಿಜಾಮುದ್ದೀನ್‌ ಪ್ರದೇಶದಲ್ಲಿ ಹಜಾರತ್ ದರ್ಗಾ ಹಾಗೂ ತಬ್ಲೀಗಿ ಜಮಾತ್‌ನ ಮರ್ಕಜ್‌ ಕಟ್ಟಡ ಪ್ರಮುಖವಾಗಿವೆ. ನಿತ್ಯ ಇಲ್ಲಿಗೆ ಸಾವಿರಾರು ಜನರು ಭೇಟಿ ನೀಡುವ ಪ್ರಮುಖ ಧಾರ್ಮಿಕ ಸ್ಥಳಗಳೂ ಹೌದು. ಲಾಕ್‌ಡೌನ್‌ ಸಡಿಲವಾಗಿದ್ದರೂ ದರ್ಗಾ ಸೇರಿದಂತೆ  ಮರ್ಕಜ್‌ ಕಟ್ಟಡದ ಬಾಗಿಲು ತೆರಯಲಾಗಿಲ್ಲ. ಭದ್ರತಾ ಸಿಬ್ಬಂದಿಗಳ ಪಹರೆಯನ್ನು ಮುಂದುವರೆಸಲಾಗಿದ್ದು ಆರೋಗ್ಯ ಕಾರ್ಯಕರ್ತರನ್ನು ನಿಯೋಜಿಸಲಾಗಿದೆ.

ನಿಜಾಮುದ್ದೀನ್‌ ಪ್ರದೇಶದಲ್ಲಿ ಒಟ್ಟು 1080 ಕೊರೊನಾ ವೈರಸ್‌ ಪ್ರಕರಣಗಳು ಪತ್ತೆಯಾಗಿದ್ದವು. ಇವು ತಬ್ಲೀಗಿ ಜಮಾತ್ ನಂಟಿನಿಂದಾಗಿ ಸಕ್ರಿಯಗೊಂಡ ಪ್ರಕರಣಗಳು ಎಂದು ದೆಹಲಿ ಆರೋಗ್ಯ ಸಚಿವ ಸತ್ಯೇಂದ್ರ ಜೈನ್‌ ತಿಳಿಸಿದ್ದಾರೆ. ಏಪ್ರಿಲ್‌ ತಿಂಗಳಲ್ಲಿ ಮುಂಜಾಗ್ರತ ಕ್ರಮವಾಗಿ ಮರ್ಕಜ್‌ ಕಟ್ಟಡದಿಂದ ಸುಮಾರು 2000 ಜನರನ್ನು ಸ್ಥಳಾಂತರ ಮಾಡಿ ಕ್ವಾರಂಟೈನ್‌ನಲ್ಲಿ ಇಡಲಾಗಿದ್ದರಿಂದ ಈ ಪ್ರದೇಶದಲ್ಲಿ ಸೋಂಕಿನ ಪ್ರಮಾಣ ತಗ್ಗಲು ಕಾರಣವಾಯಿತು ಎಂದು ಅವರು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ನಿಜಾಮುದ್ದೀನ್ ಮರ್ಕಜ್:ಕೊರೊನಾ ಸೋಂಕಿತ ವ್ಯಕ್ತಿ ಆಸ್ಪತ್ರೆಯಲ್ಲಿ ಆತ್ಮಹತ್ಯೆ ಯತ್ನ

ಹಜಾರತ್ ದರ್ಗಾ ಹಾಗೂ ತಬ್ಲೀಗಿ ಜಮಾತ್‌ನ ಮರ್ಕಜ್‌ ಕಟ್ಟಡದ ಸುತ್ತಮುತ್ತ ಸುಮಾರು 25 ಸಾವಿರಕ್ಕೂ ಹೆಚ್ಚು ಕುಟುಂಬಗಳು ವಾಸ
ಮಾಡುತ್ತಿವೆ. ಇವರು ಸಣ್ಣ ಪುಟ್ಟ ಅಂಗಡಿಗಳು, ಹೋಟೆಲ್‌ಗಳನ್ನು ಇಟ್ಟುಕೊಂಡು ಜೀವನ ನಡೆಸುತ್ತಿದ್ದಾರೆ. ದರ್ಗಾ ಮತ್ತು ಜಮಾತ್‌ಗೆ
ಬರುವ ಭಕ್ತರೇ ಇವರಿಗೆ ಆದಾಯದ ಪ್ರಮುಖ ಮೂಲವಾಗಿದೆ.

ಕಳೆದೊಂದು ವಾರದಿಂದ ಹೊಸ ಪ್ರಕರಣಗಳು ಪತ್ತೆಯಾಗದಿರುವುದರಿಂದ ಈ ಪ್ರದೇಶದಲ್ಲಿ ಲಾಕ್‌ಡೌನ್‌ ಸಡಿಲಗೊಳಿಸಿ ಜಿಲ್ಲಾಧಿಕಾರಿಗಳು ಆದೇಶ ಹೊರಡಿಸಿದ್ದಾರೆ. ಆದರೂ ಜನರು ಕೊರೊನಾ ವೈರಸ್‌ ಭಯದಿಂದ ಮನೆಯಿಂದ ಹೊರ ಬರುತ್ತಿಲ್ಲ ಹಾಗೂ ಅಂಗಡಿಗಳನ್ನು ತೆರೆಯುತ್ತಿಲ್ಲ ಎಂದು ಪೊಲೀಸ್‌ ಅಧಿಕಾರಿಗಳು ತಿಳಿಸಿದ್ದಾರೆ.

ದರ್ಗಾ ಹಾಗೂ ಮರ್ಕಜ್‌ ಅನ್ನು ಮುಚ್ಚಿರುವುದರಿಂದ ಭಕ್ತರೂ ಇತ್ತ ಸುಳಿಯುತ್ತಿಲ್ಲ, ಅಂಗಡಿಗಳನ್ನು ತರೆದರೂ ವ್ಯಾಪಾರ ನಡೆಯುವುದಿಲ್ಲ ಎಂದು ಸ್ಥಳೀಯರು ಹೇಳುತ್ತಾರೆ.

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು