ಕೇಂದ್ರದಿಂದ ಒಂದು ಕೋಟಿ ಮನೆ ಮಂಜೂರು: ಕೇಂದ್ರ ಸಚಿವ ಹರ್ದೀಪ್ ಪುರಿ

‘ಪಿಎಂಎವೈ (ನಗರ) ಅಡಿಯಲ್ಲಿ 6.5 ಲಕ್ಷ ಮನೆಗಳ ನಿರ್ಮಾಣಕ್ಕೆ ಶುಕ್ರವಾರ ಅನುಮೋದನೆ ನೀಡಲಾಗಿದೆ. ಈ ಯೋಜನೆಯಡಿ ಒಟ್ಟು ಒಂದು ಕೋಟಿ ಮನೆಗಳನ್ನು ಈವರೆಗೆ ಮಂಜೂರು ಮಾಡಲಾಗಿದೆ. ಮುಂದಿನ ಮೂರು ತಿಂಗಳಲ್ಲಿ ಸರ್ಕಾರ ನಿಗದಿಪಡಿಸಿದ 1.12 ಕೋಟಿ ಮನೆಗಳನ್ನು ಮಂಜೂರು ಮಾಡಲಾಗುವುದು’ ಎಂದು ಅವರು ಇಲ್ಲಿ ಸುದ್ದಿಗಾರರಿಗೆ ತಿಳಿಸಿದರು.

ಒಟ್ಟು ಮಂಜೂರಾದ ಮನೆಗಳಲ್ಲಿ, 57 ಲಕ್ಷ ಮನೆಗಳು ನಿರ್ಮಾಣದ ವಿವಿಧ ಹಂತಗಳಲ್ಲಿವೆ, ಅದರಲ್ಲಿ 30 ಲಕ್ಷ ಮನೆಗಳು ಪೂರ್ಣಗೊಳ್ಳುವ ಹಂತದಲ್ಲಿವೆ. ‘₹1.6 ಲಕ್ಷ ಕೋಟಿ ಕೇಂದ್ರದ ನೆರವಿನ ಜೊತೆಗೆ ಮನೆಗಳ ನಿರ್ಮಾಣಕ್ಕೆ ₹5.7 ಲಕ್ಷ ಕೋಟಿ ಹೂಡಲಾಗಿದೆ. ವಿವಿಧ ಯೋಜನೆಗಳಡಿಯಲ್ಲಿ ಕೇಂದ್ರ ಸರ್ಕಾರ ಪ್ರತಿ ಮನೆಗೆ ₹ 1 ಲಕ್ಷದಿಂದ ₹2.67 ಲಕ್ಷ ನೆರವು ನೀಡಿದೆ’ ಎಂದು ಅವರು ತಿಳಿಸಿದ್ದಾರೆ.