ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಫೆಡರರ್‌ಗೆ ಪ್ರಶಸ್ತಿ

Last Updated 18 ಫೆಬ್ರುವರಿ 2018, 19:30 IST
ಅಕ್ಷರ ಗಾತ್ರ

ರಾಟರ್‌ಡ್ಯಾಮ್‌, ನೆದರ್ಲೆಂಡ್ಸ್‌ (ಎಎಫ್‌ಪಿ): ಎಟಿಪಿ ರ‍್ಯಾಂಕಿಂಗ್‌ನಲ್ಲಿ ಅಗ್ರಸ್ಥಾನಕ್ಕೆ ಏರಿರುವ ಸ್ವಿಟ್ಜರ್ಲೆಂಡ್‌ನ ಆಟಗಾರ ರೋಜರ್ ಫೆಡರರ್‌ ರಾಟರ್‌ಡ್ಯಾಮ್ ಟೆನಿಸ್ ಟೂರ್ನಿಯಲ್ಲಿ ಭಾನುವಾರ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ.

ಫೆಡರರ್‌ ವೃತ್ತಿಜೀವನದಲ್ಲಿ ಗೆದ್ದ 97ನೇ ಪ್ರಶಸ್ತಿ ಇದಾಗಿದೆ. ಅಮೆರಿಕದ ಜಿಮ್ಮಿ ಕಾರ್ನರ್ಸ್‌ ಮಾತ್ರ ಫೆಡರರ್‌ ಅವರಿಗಿಂತ ಹೆಚ್ಚು ಪ್ರಶಸ್ತಿ ಗೆದ್ದ ದಾಖಲೆ ಹೊಂದಿದ್ದಾರೆ. 109 ಟೂರ್ನಿಗಳಲ್ಲಿ ಅವರು ಚಾಂಪಿಯನ್ ಆಗಿದ್ದಾರೆ.

ಫೈನಲ್ ಪಂದ್ಯದಲ್ಲಿ 36 ವರ್ಷದ ಆಟಗಾರ ಫೆಡರರ್‌ 6–2, 6–2ರಲ್ಲಿ ಬೆಲ್ಜಿಯಂನ ಗ್ರೆಗೊರ್‌ ದಿಮಿತ್ರೊವ್‌ಗೆ ಸೋಲುಣಿಸಿದರು. ಸೆಮಿಫೈನಲ್ ಪೈಪೋಟಿಯಲ್ಲಿ ದಿಮಿತ್ರೊವ್‌ 6–3, 0–1ರಲ್ಲಿ ಮುನ್ನಡೆ ಹೊಂದಿದ್ದ ವೇಳೆ ಬಲ್ಗೇರಿಯಾದ ಎದುರಾಳಿ ಡೇವಿಡ್ ಗೊಫಿನ್ ಗಾಯಗೊಂಡು ಪಂದ್ಯದಿಂದ ಹಿಂದೆಸರಿದರು.

20 ಗ್ರ್ಯಾನ್‌ಸ್ಲಾಮ್‌ ಪ್ರಶಸ್ತಿ ಗೆದ್ದಿರುವ ಫೆಡರರ್‌ ಶನಿವಾರ ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಎಟಿಪಿ ರ‍್ಯಾಂಕಿಂಗ್‌ನಲ್ಲಿ  ಅಗ್ರಸ್ಥಾನಕ್ಕೆ ಏರಿದ್ದರು. ರಾಟರ್‌ಡ್ಯಾಮ್‌ನಲ್ಲಿ ಅವರು ಮೂರು ಪ್ರಶಸ್ತಿಗಳನ್ನು ಗೆದ್ದುಕೊಂಡಿದ್ದಾರೆ. 2005 ಮತ್ತು 2012ರಲ್ಲಿ ಇಲ್ಲಿ ಅವರು ಚಾಂಪಿಯನ್ ಆಗಿದ್ದರು.

ಸೆಮಿಫೈನಲ್‌ ಪಂದ್ಯದಲ್ಲಿ ಫೆಡರರ್‌ 6–3, 7–6ರಲ್ಲಿ ನೇರ ಸೆಟ್‌ಗಳಿಂದ ಇಟಲಿಯ ಆಂಡ್ರೆಸ್‌ ಸೆಪ್ಪಿಗೆ ಸೋಲುಣಿಸಿದರು. ಸೆಪ್ಪಿ ವಿಶ್ವ ರ‍್ಯಾಂಕಿಂಗ್‌ನಲ್ಲಿ 81ನೇ ಸ್ಥಾನದಲ್ಲಿದ್ದಾರೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT