ಸ್ವಚ್ಛ ಭಾರತ ಯೋಜನೆಯಿಂದ 3 ಲಕ್ಷ ಶಿಶುಗಳು ಬದುಕುಳಿದಿವೆ ಎಂದ ಮೋದಿ ಮಾತು ಸತ್ಯವೇ?

7
ನಿಜಕ್ಕೂ ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದ್ದೇನು?

ಸ್ವಚ್ಛ ಭಾರತ ಯೋಜನೆಯಿಂದ 3 ಲಕ್ಷ ಶಿಶುಗಳು ಬದುಕುಳಿದಿವೆ ಎಂದ ಮೋದಿ ಮಾತು ಸತ್ಯವೇ?

Published:
Updated:

ನವದೆಹಲಿ: ಸ್ವಚ್ಛ ಭಾರತ ಯೋಜನೆಯಿಂದಾಗಿ ದೇಶದಲ್ಲಿ 3 ಲಕ್ಷ ಶಿಶುಗಳ ಪ್ರಾಣ ಉಳಿದಿದೆ ಎಂದು ‍ವಿಶ್ವ ಆರೋಗ್ಯ ಸಂಸ್ಥೆಯ ವರದಿ ಉಲ್ಲೇಖಿಸಿ ಪ್ರಧಾನಿ ನರೇಂದ್ರ ಮೋದಿ ತಿಳಿಸಿದ್ದಾರೆ.

‘ದೇಶದ 72ನೇ ಸ್ವಾತಂತ್ರ್ಯೋತ್ಸವ ಆಚರಣೆ ಸಂದರ್ಭ ಭಾಷಣದಲ್ಲಿ ಮೋದಿ ಹೇಳಿರುವ ಈ ಮಾತು ನಿಜವಲ್ಲ. ವಿಶ್ವ ಆರೋಗ್ಯ ಸಂಸ್ಥೆಯ ವರದಿಯನ್ನು ಅವರು ಉತ್ಪ್ರೇಕ್ಷೆ ಮಾಡಿ ಉಲ್ಲೇಖಿಸಿದ್ದಾರೆ’ ಎಂದು ಇಂಡಿಯಾ ಟುಡೆ ಜಾಲತಾಣ ವರದಿ ಮಾಡಿದೆ.

ಮೋದಿ ಹೇಳಿದ್ದೇನು?

‘2014ರಲ್ಲಿ ಕೆಂಪುಕೋಟೆಯಲ್ಲಿ ಸ್ವಚ್ಛ ಭಾರತ ಯೋಜನೆ ಬಗ್ಗೆ ಘೋಷಣೆ ಮಾಡಿದಾಗ ಜನ ತಮಾಷೆ ಮಾಡಿದರು. ಸರ್ಕಾರ ಮಾಡಬೇಕಾದ ಕೆಲಸಗಳು ಅನೇಕ ಇವೆ. ಸ್ವಚ್ಛ ಭಾರತ ಯೋಜನೆಯಿಂದಾಗಿ 3 ಲಕ್ಷ ಮಕ್ಕಳ ಪ್ರಾಣ ಉಳಿದಿದೆ ಎಂದು ವಿಶ್ವ ಆರೋಗ್ಯ ಸಂಸ್ಥೆ ಇತ್ತೀಚೆಗೆ ಬಿಡುಗಡೆ ಮಾಡಿರುವ ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಬಡ ಕುಟುಂಬಗಳ 3 ಲಕ್ಷ ಮಕ್ಕಳ ಪ್ರಾಣ ಉಳಿಸುವುದು ಶ್ಲಾಘನೆಗೆ ಅರ್ಹವಾದ ಕೆಲಸ’ ಎಂದು ಮೋದಿ ಹೇಳಿದ್ದಾರೆ.

ನಿಜವಾಗಿಯೂ ವರದಿಯಲ್ಲಿದ್ದದ್ದೇನು?

ವಿಶ್ವ ಆರೋಗ್ಯ ಸಂಸ್ಥೆಯ ಆಗ್ನೇಯ ಏಷ್ಯಾ ಪ್ರಾದೇಶಿಕ ವಿಭಾಗದ ಕಚೇರಿ ಈ ವರ್ಷ ಆರಂಭದಲ್ಲಿ ವರದಿಯೊಂದನ್ನು ಬಿಡುಗಡೆ ಮಾಡಿದ್ದು, ಸ್ವಚ್ಛ ಭಾರತ ಯೋಜನೆಯನ್ನು ಶ್ಲಾಘಿಸಿತ್ತು. ‘2019ರ ಅಕ್ಟೋಬರ್ ಗಡುವಿನ ಒಳಗಾಗಿ ಸ್ವಚ್ಛ ಭಾರತ ಯೋಜನೆಯನ್ನು ಶೇ 100ರಷ್ಟು ಅನುಷ್ಠಾನಗೊಳಿಸಿದ್ದೇ ಆದಲ್ಲಿ ಅತಿಸಾರ, ಅಪೌಷ್ಟಿಕತೆಯಂತಹ ಸಮಸ್ಯೆಗಳಿಂದ ಬಳಲುವ 3 ಲಕ್ಷ ಮಕ್ಕಳ ಪ್ರಾಣ ಉಳಿಸಬಹುದು’ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಇದನ್ನೇ ಮೋದಿ ಅವರು,  3 ಲಕ್ಷ ಮಕ್ಕಳ ಪ್ರಾಣ ಉಳಿಸಲಾಗಿದೆ ಎಂದು ಹೇಳಿದ್ದಾರೆ. ಸ್ವಚ್ಛ ಭಾರತ ಯೋಜನೆ ಇನ್ನೂ ಶೇ 100ರಷ್ಟು ಅನುಷ್ಠಾನವಾಗಿಲ್ಲ ಎಂಬುದು ಗಮನಾರ್ಹ ಎಂದು ಇಂಡಿಯಾ ಟುಡೆ ವರದಿ ಉಲ್ಲೇಖಿಸಿದೆ.

ಇನ್ನಷ್ಟು...

* 72ನೇ ಸ್ವಾತಂತ್ರ್ಯ ಸಂಭ್ರಮ; ಕೆಂಪು ಕೋಟೆಯಲ್ಲಿ ಪ್ರಧಾನಿ ಮೋದಿ ಭಾಷಣ

* ಅಮಿತ್‌ ಶಾ ಎಡವಟ್ಟಿನಿಂದ ಕೆಳಬಿದ್ದ ರಾಷ್ಟ್ರಧ್ವಜ: ವಿಡಿಯೊ ವೈರಲ್

’ಆಯುಷ್ಮಾನ್ ಭಾರತ್’ ಘೋಷಿಸಿದ ಪ್ರಧಾನಿ; ಏನಿದು ಯೋಜನೆ?

ಬರಹ ಇಷ್ಟವಾಯಿತೆ?

  • 2

    Happy
  • 9

    Amused
  • 1

    Sad
  • 0

    Frustrated
  • 0

    Angry

Comments:

0 comments

Write the first review for this !