ನವದೆಹಲಿ (ಪಿಟಿಐ): ವೆಂಟಿಲೇಟರ್ಗಳು, ಮುಖಗವಸುಗಳ ರಫ್ತಿಗೆ ನಿರ್ಬಂಧ ಹೇರುವ ನಿರ್ಧಾರ ತೆಗೆದುಕೊಳ್ಳಲು ಕೇಂದ್ರ ಸರ್ಕಾರ ವಿಳಂಬ ಮಾಡಿದೆ ಎಂದು ಆರೋಪಿಸಿ ಪ್ರಧಾನಿ ನರೇಂದ್ರ ಮೋದಿ ಅವರ ವಿರುದ್ಧ ಕಾಂಗ್ರೆಸ್ ಸಂಸದ ರಾಹುಲ್ ಗಾಂಧಿ ವಾಗ್ದಾಳಿ ನಡೆಸಿದ್ದಾರೆ.
‘ವಿಶ್ವ ಆರೋಗ್ಯ ಸಂಸ್ಥೆಯ ಸಲಹೆಯ ಹೊರತಾಗಿಯೂ ಮಾರ್ಚ್ 19ರವರೆಗೆ ವೆಂಟಿಲೇಟರ್ ಹಾಗೂ ಮುಖಗವಸುಗಳ ರಫ್ತಿಗೆ ಕೇಂದ್ರ ಸರ್ಕಾರ ಏಕೆ ಅವಕಾಶ ನೀಡಿತು. ಭಾರತದಲ್ಲೇ ಇವುಗಳನ್ನು ಸಂಗ್ರಹಿಸಿಟ್ಟುಕೊಳ್ಳುವ ಬದಲು ರಫ್ತಿಗೆ ಅವಕಾಶ ನೀಡಿದ್ದು ಯಾರು? ಇದು ಸಂಚು ಅಲ್ಲವೇ?’ ಎಂದು ರಾಹುಲ್ ಗಾಂಧಿ ಟ್ವೀಟ್ನಲ್ಲಿ ಪ್ರಶ್ನಿಸಿದ್ದಾರೆ.