ದೇಶಿ ಸರಕು ತಯಾರಿಕಾ ವಲಯದ ವಹಿವಾಟಿನ ಆತ್ಮವಿಶ್ವಾಸವು, ಪ್ರಸಕ್ತ ಹಣಕಾಸು ವರ್ಷದ ಡಿಸೆಂಬರ್ ತ್ರೈಮಾಸಿಕದಲ್ಲಿ ಐದು ತ್ರೈಮಾಸಿಕಗಳ ಕನಿಷ್ಠ ಮಟ್ಟವಾದ 107.1 ಅಂಶಗಳಿಗೆ ಕುಸಿದಿದೆ. ಗರಿಷ್ಠ ಮುಖಬೆಲೆಯ ನೋಟುಗಳನ್ನು ರದ್ದು ಮಾಡಿದ ಸಂದರ್ಭದಲ್ಲಿ ಈ ಆತ್ಮವಿಶ್ವಾಸವು 106 ಅಂಶಗಳಿಗೆ ಕುಸಿದಿತ್ತು. ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಜಾರಿಗೆ ತಂದ ಆರಂಭದ ತಿಂಗಳಲ್ಲಿ (2017–18ನೆ ಸಾಲಿನ ಮಾರ್ಚ್ ತ್ರೈಮಾಸಿಕ) ಇದು 112.4 ಅಂಶಗಳಿಗೆ ತಲುಪಿತ್ತು. ಉದ್ದಿಮೆ ಸಂಸ್ಥೆಗಳಲ್ಲಿನ ಗುಣಾತ್ಮಕ ವಹಿವಾಟಿನ ಪರಿಸ್ಥಿತಿಯನ್ನು ಈ ಸಮೀಕ್ಷೆಯು ಪ್ರತಿಬಿಂಬಿಸುತ್ತದೆ.