ನವದೆಹಲಿ:ಭಾರತೀಯ ವಾಯುಪಡೆಯ AN-32 ವಿಮಾನ ಪತನಗೊಂಡಿರುವ ದುರ್ಗಮ ಸ್ಥಳಕ್ಕೆ ‘ಏರ್ ಡ್ರಾಪ್’ ಮಾಡುವಲ್ಲಿ ವಾಯಪಡೆ ಬುಧವಾರ ಯಶಸ್ವಿಯಾಗಿದ್ದು, ಬದುಕುಳಿದವರಿಗಾಗಿ ಶೋಧ ನಡೆಸುತ್ತಿದೆ.
ಘಟನಾ ಸ್ಥಳವನ್ನು ಮಂಗಳವಾರ ಪತ್ತೆ ಮಾಡಿದ್ದ ವಾಯುಪಡೆ, ಆ ಸ್ಥಳದ ಸಮೀಪದಲ್ಲಿ ಇಂದು 8ರಿಂದ 10 ಹುಡುಕು ತಜ್ಞರನ್ನು 04–ಗರುಡ ಹೆಲಿಕಾಪ್ಟರ್ ಮೂಲಕ ಇಳಿಸುವಲ್ಲಿ ಯಶಸ್ವಿಯಾಗಿದೆ.
#Update: #Rescue Operation for the crashed An-32 is in full swing by #IAF. Additional resources have been mobilised to search for survivors. 04 Garuds of #IAF as part of the recovery party were dropped by helicopter near the crash site, where a camp has been established.
— Indian Air Force (@IAF_MCC) June 12, 2019
ಸ್ಥಳದಲ್ಲಿ ಬದುಕುಳಿದವರಿಗಾಗಿ ಹೆಚ್ಚುವರಿ ಸಂಪನ್ಮೂಲಗಳೊಂದಿಗೆ ಶೋಧ ನಡೆಸಲಾಗುತ್ತಿದೆ ಹಾಗೂ ತಾತ್ಕಾಲಿಕ ಶಿಬಿರವನ್ನು ನಿರ್ಮಿಸಲಾಗಿದೆ ಎಂದು ವಾಯುಪಡೆ ಟ್ವೀಟ್ ಮಾಡಿದೆ.
ವಿಮಾನ ಪತನಗೊಂಡ ಸ್ಥಳದ ಹುಡುಕಾಟ ನಡೆಸಿದ್ದ ವೈಮಾನಿಕ ದೃಶ್ಯದ ವಿಡಿಯೊವನ್ನು ಎಎನ್ಐ ಟ್ವೀಟ್ ಮಾಡಿದೆ.
#WATCH: Indian Air Force (IAF) continues search operation in the area where wreckage of missing AN-32 aircraft was found yesterday. #ArunachalPradesh pic.twitter.com/yoAMGg5ORk
— ANI (@ANI) June 12, 2019
ಅರುಣಾಚಲ ಪ್ರದೇಶದ ಲಿಪೋ ಎಂಬಲ್ಲಿಂದ 16 ಕಿ.ಮೀ ದೂರದಲ್ಲಿ ವಿಮಾನ ಪತನಗೊಂಡಿದೆ ಎಂಬ ಮಾಹಿತಿ ಪತ್ತೆ ಕಾರ್ಯದಲ್ಲಿ ತೊಡಗಿದ್ದ ತಂಡಕ್ಕೆ ಮಂಗಳವಾರ ತಿಳಿಯಿತು. ಈ ಸ್ಥಳದಲ್ಲಿ ವಾಯುಪಡೆಯ AM–17v5, ಚೀತಾ ಹೆಲಿಕಾಪ್ಟರ್ಗಳ ಮೂಲಕ ವೈಮಾನಿಕ ಪರಿಶೀಲನೆ ನಡೆಸಲಾಯಿತು. ಆಗ ಒಂದು ಪ್ರದೇಶದಲ್ಲಿ ಮರಗಳು ಧ್ವಂಸಗೊಂಡಿರುವ ದೃಶ್ಯ ಕಾಣಿಸಿದೆ. ಆ ಸ್ಥಳದಲ್ಲಿ ಕೂಲಂಕಷವಾಗಿ ಪರಿಶೀಲಿಸಿದಾಗ ವಿಮಾನದ ಅವಶೇಷಗಳು ಪತ್ತೆಯಾಗಿವೆ.
ಕಳೆದ ಸೋಮವಾರ 13ಮಂದಿ ಸೇನಾ ಸಿಬ್ಬಂದಿಯನ್ನು ಹೊತ್ತ An-32 ವಿಮಾನವು ಅರುಣಾಚಲ ಪ್ರದೇಶದ ಮೆನ್ಚುಕಾಗೆ ತೆರಳಲು ಅಸ್ಸಾಂನ ಜೊರ್ಹತ್ ವಾಯುನೆಲೆಯಿಂದ ಮಧ್ಯಾಹ್ನ 12.27ಕ್ಕೆ ಟೇಕಾಫ್ ಆಗಿತ್ತು. ಆದರೆ, 1 ಗಂಟೆ ಹೊತ್ತಿಗೆ ಅದು ನಿಯಂತ್ರಣ ಕಳೆದುಕೊಂಡಿತ್ತು. ಅಂದಿನಿಂದ ಇಂದಿನವರೆಗೆ ವಾಯುಪಡೆ, ಭೂಸೇನೆ, ಸ್ಥಳೀಯ ಪೊಲೀಸರು, ರಾಜ್ಯ ಸರ್ಕಾರ, ಅರೆ ಸೇನಾ ಪಡೆ, ಸ್ಥಳೀಯರು ವಿಮಾನಕ್ಕಾಗಿ ಹುಡುಕಾಟ ನಡೆಸುತ್ತಿದ್ದರು.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್ಬುಕ್ ಪುಟ ಫಾಲೋ ಮಾಡಿ.