ಮುಂಬೈ:ಸುಪ್ರೀಂ ಕೋರ್ಟ್‌ ವಿಚಾರಣೆಗೂ ಮುನ್ನ ಮಹಾರಾಷ್ಟ್ರದ ಶಿವಸೇನಾ, ಎನ್‌ಸಿಪಿ ಮತ್ತು ಕಾಂಗ್ರೆಸ್ ನಾಯಕರು ರಾಜಭವನಕ್ಕೆ ತೆರಳಿ ಸರ್ಕಾರ ರಚನೆಗೆ ಹಕ್ಕು ಮಂಡಿಸಿದ್ದಾರೆ.
ರಾಜ್ಯಪಾಲ ಭಗತ್‌ ಸಿಂಗ್‌ ಕೋಶಿಯಾರಿ ಅವರು ದೆಹಲಿಯಲ್ಲಿರುವ ಕಾರಣ ಅವರಕಾರ್ಯದರ್ಶಿಗೆ ಮೂರು ಪಕ್ಷಗಳ ನಾಯಕರು ಹಕ್ಕು ಮಂಡನೆಪತ್ರ ಸಲ್ಲಿಸಿದ್ದಾರೆಂದು ತಿಳಿದುಬಂದಿದೆ.
ಹಕ್ಕು ಮಂಡಿಸಿದನಾಯಕರತಂಡದಲ್ಲಿ ಶಿವಸೇನಾ ಶಾಸಕಾಂಗ ಪಕ್ಷದ ನಾಯಕ ಏಕನಾಥ್‌ ಶಿಂದೆ, ಮಹಾರಾಷ್ಟ್ರ ಕಾಂಗ್ರೆಸ್ ಮುಖ್ಯಸ್ಥ ಬಾಳಾಸಾಹೇಬ್‌ ಥೋರಟ್‌ ಮತ್ತು ಎನ್‌ಸಿಪಿ ರಾಜ್ಯಾಧ್ಯಕ್ಷ ಜಯಂತ್‌ ಪಾಟೀಲ್‌ ಅವರು ಹಾಜರಿದ್ದರು.
ಆ ಬಗ್ಗೆ ಟ್ವೀಟ್ ಮಾಡಿರುವ ಕಾಂಗ್ರೆಸ್ ವಕ್ತಾರ ಸಚಿನ್‌ ಸಾವಂತ್‌, ‘ಕಾಂಗ್ರೆಸ್, ಶಿವಸೇನಾ ಮತ್ತು ಎನ್‌ಸಿಪಿ ನಾಯಕರು ರಾಜಭವನಕ್ಕೆ ತೆರಳಿ ಸರ್ಕಾರ ರಚನೆ ಸಂಬಂಧ ತಮ್ಮ ಹಕ್ಕು ಮಂಡನೆ ಪತ್ರಸಲ್ಲಿಸಿದ್ದಾರೆ. ಕಾರಣ, ಈಗ ರಚನೆಯಾಗಿರುವ ಸರ್ಕಾರ ಭವಿಷ್ಯದಲ್ಲಿ ಪತನಗೊಳ್ಳಲಿದೆ. ಇನ್ನೊಂದು ಸಾರಿ ರಾಜ್ಯದಲ್ಲಿ ರಾಷ್ಟ್ರಪತಿ ಆಡಳಿತ ಬರಬಾರದು ಎಂಬುದು ನಮ್ಮ ಆಶಯ,’ ಎಂದಿದ್ದಾರೆ.
The @INCMaharashtra , @ShivSena and @NCPspeaks delegation with their respective leaders have called on Governor at Rajbhavan to register it's claim to form the govt in future as the incumbent govt is definitely going to fall. State must not get President Rule again.
