ಆಂಧ್ರ ಪ್ರದೇಶ: ರಸ್ತೆಯಲ್ಲಿ ನಿಲ್ಲಿಸಿದ್ದ ಟಾಟಾ ಏಸ್‌ ವಾಹನಕ್ಕೆ ಅಪರಿಚಿತ ವಾಹನವೊಂದು ಡಿಕ್ಕಿ ಹೊಡೆದಿದ್ದು, ಒಂದೇ ಕುಟುಂಬದ ಆರು ಮಂದಿ ಮೃತಪಟ್ಟಿದ್ದಾರೆ. ಜತೆಗೆ, ಇತರೆ 15 ಮಂದಿ ತೀವ್ರವಾಗಿ ಗಾಯಗೊಂಡಿರುವ ಘಟನೆ ಕರ್ನೂಲ್‌ ಜಿಲ್ಲೆಯ ಪೆದ್ದಹೋಥೂರ್‌ ಬಳಿ ನಡೆದಿದೆ.
ಮೃತರನ್ನು ಖಾಜಾ (24), ಫಾತಿಮಾ(26), ಹುಸೇನ್(23), ಅಸೀಫ್‌(17), ಅಸ್ರಾರ್‌(9), ಮಾಹೆಕ್‌ (7) ಎಂದು ಗುರುತಿಸಲಾಗಿದೆ. ಗಾಯಾಳುಗಳನ್ನು ಸಮೀಪದ ಆಸ್ಪತ್ರಗೆ ದಾಖಲಿಸಲಾಗಿದೆ.
ಪ್ರಾಥಮಿಕ ಮೂಲಗಳ ಪ್ರಕಾರ, ‘ಒಂದೇ ಕುಟುಂಬದ 21 ಮಂದಿ, ಕರ್ನೂಲ್‌ನಿಂದ ಅದೋನಿ ಬಳಿಯ ಎಲ್ಲರ್ತಿ ದರ್ಗಾಕ್ಕೆ ತೆರಳುತ್ತಿದ್ದರು’ ಎಂದು ಹೇಳಲಾಗಿದೆ.
ಘಟನೆ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
