ಸ್ಮಾರ್ಟ್ ಸಿಟಿ: ಕಳಪೆ ನಗರಗಳ ಸುಧಾರಣೆಗೆ 20–20 ವಿಧಾನ

‘ಅತ್ಯುತ್ತಮ ನಗರಗಳ ಮಾರ್ಗದರ್ಶನದೊಂದಿಗೆ ಹಿಂದುಳಿದ ನಗರಗಳಲ್ಲಿ ಯೋಜನೆಗಳನ್ನು ಉತ್ತಮ ರೀತಿಯಲ್ಲಿ ಅನುಷ್ಠಾನಗೊಳಿಸುವ ಉದ್ದೇಶದಿಂದ ಸಚಿವಾಲಯದ ಕಾರ್ಯದರ್ಶಿ ದುರ್ಗಾ ಶಂಕರ್ ಅವರು ಈ 20–20 ವಿಧಾನ ರೂಪಿಸಿದ್ದಾರೆ’ ಎಂದು ಸ್ಮಾರ್ಟ್ ಸಿಟಿ ಯೋಜನೆ ನಿರ್ದೇಶಕ ಕುನಾಲ್ ಕುಮಾರ್ ತಿಳಿಸಿದ್ದಾರೆ.

‘ಮುಂದಿನ 15 ದಿನಗಳಲ್ಲಿ ಯಾವ್ಯಾವ ನಗರಗಳನ್ನು ಜೋಡಿಸಲಾಗುವುದು ಎಂದು ಘೋಷಿಸಲಾಗುತ್ತದೆ.ಯೋಜನೆ ಅನುಷ್ಠಾನ ಆಧಾರದಲ್ಲಿ, ಪ್ರತಿವಾರ ಆಂತರಿಕವಾಗಿ 100 ನಗರಗಳ ರ್‍ಯಾಂಕಿಂಗ್ ಸಿದ್ಧಪಡಿಸಲಾಗುತ್ತದೆ’ ಎಂದು ಅವರು ಹೇಳಿದ್ದಾರೆ.

ದೇಶದ ಸುಮಾರು 100 ಸ್ಮಾರ್ಟ್‌ಸಿಟಿಗಳು ಯೋಜನೆಗಳನ್ನು ಅನುಷ್ಠಾನಗೊಳಿಸುವಲ್ಲಿ ಹಿಂದುಳಿದಿವೆ.