ಮಾಸ್ಕೊ:ಸೋವಿಯತ್‌ ಕಾಲದ ಗಗನಯಾತ್ರಿ ಅಲೆಕ್ಸಿ ಲಿಯೊನೊವ್‌ (85) ದೀರ್ಘಕಾಲದ ಅನಾರೋಗ್ಯದಿಂದ ಶುಕ್ರವಾರ ನಿಧನರಾಗಿದ್ದಾರೆ.1965ರಲ್ಲಿ ಗಗನಯಾತ್ರೆ ಕೈಗೊಂಡ ಮೊದಲ ವ್ಯಕ್ತಿ ಇವರು.
ಗಗನಯಾತ್ರಿ ಸಂಖ್ಯೆ 11’ ಅವರು ನಿಧನರಾಗಿದ್ದಾರೆ ಎಂದು ತಿಳಿಸಲು ದುಃಖವಾಗುತ್ತಿದೆ. ಇವರಿಗೆ ಎರಡು ಬಾರಿ ದೇಶದ ಅತ್ಯುನ್ನತ ‘ದಿ ಹೀರೊ ಆಫ್‌ ದಿ ಸೋವಿಯತ್‌ ಯೂನಿಯನ್‌ ಗೌರವ’ ಲಭಿಸಿತ್ತು ಎಂದು ರಷ್ಯಾದ ಬಾಹ್ಯಾಕಾಶ ಸಂಸ್ಥೆ ರೊಸ್‌ಕೋಸ್ಮೋಸ್‌ ತಿಳಿಸಿದೆ.
ವೊಸ್ಕೋಡ್‌ 2 ಬಾಹ್ಯಾಕಾಶ ನೌಕೆ ಉಡಾವಣೆಯಲ್ಲಿಯೂ ಇವರು ಮಹತ್ವದ ಪಾತ್ರ ವಹಿಸಿ, ಇತಿಹಾಸ ನಿರ್ಮಿಸಿದ್ದರು. ಉಪಗ್ರಹ ಮರಳಿ ಭೂಮಿಗೆ ಬರುವಾಗ ಸೈಬಿರಿಯನ್‌ ದಟ್ಟ ಅರಣ್ಯದಲ್ಲಿ ಬಿದ್ದು ದುರಂತ ಅಂತ್ಯ ಕಂಡಿತ್ತು. ಈ ಅಪಘಾತದಲ್ಲಿ ಅವರ ಸಹಾಯಕ ಮೃತಪಟ್ಟಿದ್ದರು.
