ತಮಿಳುನಾಡಿಗೆ ಪ್ರವೇಶವಿಲ್ಲ, ಗಡಿ ಮುಚ್ಚಿದ ಸರ್ಕಾರ

ಕರ್ನಾಟಕ, ಆಂಧ್ರಪ್ರದೇಶ ಹಾಗೂ ಕೇರಳದ ಗಡಿಯನ್ನು ಮುಂಜಾಗ್ರತಾ ಕ್ರಮವಾಗಿ ಮುಚ್ಚುವುದಾಗಿ ಶುಕ್ರವಾರ ಸರ್ಕಾರ ತಿಳಿಸಿದೆ. ಹಾಲು, ಪೆಟ್ರೋಲ್‌, ಡೀಸೆಲ್‌, ತರಕಾರಿ, ಔಷಧ, ಎಲ್‌ಪಿಜಿ ಸಿಲಿಂಡರ್‌ ಸರಬರಾಜು ವಾಹನಗಳಿಗಷ್ಟೇ ತಮಿಳುನಾಡು ಪ್ರವೇಶಕ್ಕೆ ಅವಕಾಶವಿರಲಿದೆ. ಕಾರ್ಗೊ ಟ್ರಕ್‌, ಆಂಬುಲೆನ್ಸ್‌ ಹಾಗೂ ಲಘು ಮೋಟಾರು ವಾಹನಗಳಲ್ಲಿ ಅನಿವಾರ್ಯ ಕಾರಣದ ನಿಮಿತ್ತ ಪ್ರಯಾಣಿಸುವವರಿಗೆ ಯಾವುದೇ ಅಡ್ಡಿ ಇಲ್ಲ.

ಜನರಿಗೆ ಅನನುಕೂಲವಾಗದಂತೆ ನಿಗದಿತ ಸಂಖ್ಯೆಯ ಸರ್ಕಾರಿ ಬಸ್‌ಗಳನ್ನು ಸರ್ಕಾರ ಕಾರ್ಯಾಚರಣೆ ನಡೆಸಲಿದೆ. ಅಂತರ್‌ರಾಜ್ಯ ವಾಹನಗಳಲ್ಲಿ ಪ್ರಯಾಣಿಸುವ ಎಲ್ಲ ಪ್ರಯಾಣಿಕರು ಗಡಿಯಲ್ಲಿ ಕಡ್ಡಾಯವಾಗಿ ಆರೋಗ್ಯ ತಪಾಸಣೆಗೆ ಒಳಗಾಗಬೇಕು. ಇದಕ್ಕೆ ಎಲ್ಲರೂ ಸಹಕರಿಸಬೇಕು ಎಂದು ಪ್ರಕಟಣೆಯಲ್ಲಿ ಸರ್ಕಾರ ತಿಳಿಸಿದೆ.