ಶಾಸಕ, ಸಂಸದರ ಉಪನ್ಯಾಸಕ ವೃತ್ತಿಗೆ ಅಡ್ಡಿಯಿಲ್ಲ: ಯುಜಿಸಿ

ಭಾನುವಾರ, ಜೂನ್ 16, 2019
28 °C

ಶಾಸಕ, ಸಂಸದರ ಉಪನ್ಯಾಸಕ ವೃತ್ತಿಗೆ ಅಡ್ಡಿಯಿಲ್ಲ: ಯುಜಿಸಿ

Published:
Updated:

ನವದೆಹಲಿ: ಸಂಸತ್ತಿಗೆ ಅಥವಾ ಶಾಸನ ಸಭೆಗೆ ಆಯ್ಕೆಯಾದ ಅಥವಾ ನೇಮಕಗೊಂಡ, ವಿಶ್ವವಿದ್ಯಾಲಯ ಅಥವಾ ಕಾಲೇಜುಗಳ ಉಪನ್ಯಾಸಕರು ಇಚ್ಛಿಸುವುದಾದರೆ ಉಪನ್ಯಾಸಕ ವೃತ್ತಿಯನ್ನು ಮುಂದುವರಿಸಬಹುದು ಅಥವಾ ಸಂಶೋಧನಾ ಕಾರ್ಯದಲ್ಲಿ ತಮ್ಮನ್ನು ತೊಡಗಿಸಿಕೊಳ್ಳಬಹುದು ಎಂದು ವಿಶ್ವವಿದ್ಯಾಲಯ ಧನಸಹಾಯ ಆಯೋಗ (ಯುಜಿಸಿ) ತಿಳಿಸಿದೆ.

ರಾಜ್ಯಸಭೆಯ ಸಮಿತಿಯು ಈ ಬಗ್ಗೆ ಯುಜಿಸಿಗೆ ಕೆಲವು ಸಲಹೆಗಳನ್ನು ನೀಡಿತ್ತು. ಕಳೆದ ವಾರ ನಡೆದ ಆಯೋಗದ ಸಭೆಯಲ್ಲಿ ಆ ಸಲಹೆಗಳನ್ನು ಒಪ್ಪಿಕೊಳ್ಳಲಾಗಿದೆ. ಶಾಸನ ರೂಪಿಸುವ ತಮ್ಮ ಕೆಲಸದ ಜೊತೆಯಲ್ಲೇ ವೃತ್ತಿಯನ್ನೂ ಮುಂದುವರಿಸಬೇಕು ಎಂದುಕೊಂಡಿರುವ ಅನೇಕ ಉಪನ್ಯಾಸಕರಲ್ಲಿ ಆಯೋಗದ ಈ ತೀರ್ಮಾನ ನೆಮ್ಮದಿ ಮೂಡಿಸಿದೆ.

ಸಂಸತ್ತು ಅಥವಾ ವಿಧಾನಸಭೆಯ ಅಧಿವೇಶನ ನಡೆಯುವಾಗ ಅಥವಾ ಸಂಸತ್ತು ಅಥವಾ ಶಾಸನಸಭೆಯ ಇತರ ಕೆಲಸಗಳಿಗಾಗಿ ಇಂಥ ಉಪನ್ಯಾಸಕರನ್ನು ‘ಕರ್ತವ್ಯದ ಮೇಲೆ’ ಕಳುಹಿಸಬೇಕು. ಇಂಥವರು ಉನ್ನತ ಶಿಕ್ಷಣ ಕ್ಷೇತ್ರದಲ್ಲಿ ಉಪನ್ಯಾಸ ಮತ್ತು ಸಂಶೋಧನಾ ಕೆಲಸಗಳನ್ನು ಮಾಡಬಹುದೇ ವಿನಾ ಯಾವುದೇ ಆಡಳಿತಾತ್ಮಕ ಹುದ್ದೆ ಅಥವಾ ಜವಾಬ್ದಾರಿಗೆ ಅರ್ಹರಿರುವುದಿಲ್ಲ ಎಂದು ಆಯೋಗ ಸ್ಪಷ್ಟಪಡಿಸಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 4

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !