ಸಂಭಾವನೆ ಹೆಚ್ಚಳವಾದರೆ ಕ್ರಿಕೆಟ್ ಕೋಚ್ ರವಿಶಾಸ್ತ್ರಿಗೆ ಸಿಗಲಿದೆ ₹ 10 ಕೋಟಿ

ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಭಾರತ ಕ್ರಿಕೆಟ್ ತಂಡದ ಮುಖ್ಯ ಕೋಚ್ ಆಗಿ ಮರುನೇಮಕಗೊಂಡ ನಂತರ ಈ ಬಾರಿಯ ಒಪ್ಪಂದದಂತೆ ಹಿಂದೆ ಪಡೆಯುತ್ತಿದ್ದ ಸಂಭಾವನೆಗಿಂತಶೇ.20ರಷ್ಟು ಹೆಚ್ಚು ಸಂಭಾವನೆ ಪಡೆಯಲಿದ್ದಾರೆ. ಇದರಿಂದಾಗಿ ವಾರ್ಷಿಕ ₹ 9.5 ಕೋಟಿಯಿಂದ₹ 10 ಕೋಟಿ ಪಡೆಯಲಿದ್ದಾರೆ.

ಈ ಹಿಂದಿನ ಒಪ್ಪಂದದ ಪ್ರಕಾರ ರವಿಶಾಸ್ತ್ರಿ₹ 8 ಕೋಟಿ ಸಂಭಾವನೆ ಪಡೆದುಕೊಳ್ಳುತ್ತಿದ್ದಾರೆ. ಹೊಸದಾಗಿ ಒಪ್ಪಂದ ಮಾಡಿಕೊಂಡಿದ್ದು, ಸಣ್ಣಪುಟ್ಟ ಬದಲಾವಣೆಯೊಂದಿಗೆ ಹಳೆಯತಂಡವನ್ನೇ ಆಯ್ಕೆ ಮಾಡಿಕೊಳ್ಳಲಾಗಿದೆ. ಹೊಸ ಒಪ್ಪಂದಸೆಪ್ಟೆಂಬರ್ 1ರಿಂದ ಜಾರಿಗೆ ಬಂದಿದೆ.

ಸಂಭಾವನೆ ಹೆಚ್ಚಳವಾದರೆ ರವಿಶಾಸ್ತ್ರಿ ಅವರೊಂದಿಗೆ ಅವರ ಜೊತೆಯಲ್ಲಿರುವ ಇತರೆ ಸದಸ್ಯರಿಗೂ ಹೆಚ್ಚಳವಾಗಲಿದೆ. ಬೌಲಿಂಗ್ ಕೋಚ್ ಭರತ್ ಅರುಣ್ ₹ 3.5, ಫೀಲ್ಡಿಂಗ್ ಕೋಚ್ ಆರ್ .ಶ್ರೀಧರ್₹3.5 ಕೋಟಿ, ಬ್ಯಾಟಿಂಗ್ ಕೋಚ್ ಸ್ಥಾನದಲ್ಲಿದ್ದ ಸಂಜಯ್ ಬಂಗಾರ್ ಬದಲಿಗೆಅವಕಾಶ ಪಡೆದಿರುವ ವಿಕ್ರಮ್ ರಾಥೋಡ್ ₹ 2.5 ರಿಂದ₹ 3 ಕೋಟಿ ಸಂಭಾವನೆ ಪಡೆಯಲಿದ್ದಾರೆ ಎಂದು ಮಾಧ್ಯಮಗಳು ವರದಿ ಮಾಡಿವೆ. ಭಾರತ ಕ್ರಿಕೆಟ್ ನಿಯಂತ್ರಣ ಮಂಡಳಿ (ಬಿಸಿಸಿಐ) ಯಾವ ಸಂಭಾವನೆ ನೀಡುತ್ತದೆಯೋ ಇನ್ನೂ ಬಹಿರಂಗಪಡಿಸಿಲ್ಲ.