ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

'ಫೇಸ್‍ಬುಕ್ ಪ್ರೇಮಿ' ಜತೆ ಪರಾರಿಯಾಗಲು ತಡೆದ ಅಮ್ಮನ ಇರಿದು ಹತ್ಯೆ ಮಾಡಿದ ಮಗಳು!

Last Updated 26 ಡಿಸೆಂಬರ್ 2018, 4:12 IST
ಅಕ್ಷರ ಗಾತ್ರ

ತಿರುವಲ್ಲೂರ್: ಫೇಸ್‍ಬುಕ್‍ ಮೂಲಕ ಪರಿಚಯವಾದ ಯುವಕನ ಜತೆ ಪರಾರಿಯಾಗಲು ಹೊರಟಾಗ ತಡೆದುದಕ್ಕೆ ಹದಿಹರೆಯದ ಬಾಲಕಿ ತನ್ನ ಅಮ್ಮನನ್ನು ಕತ್ತಿಯಿಂದ ಇರಿದು ಹತ್ಯೆ ಮಾಡಿದ ಘಟನೆ ಮಂಗಳವಾರ ನಡೆದಿದೆ.

ಕಾಲೇಜು ವಿದ್ಯಾರ್ಥಿನಿಯಾದ ದೇವಿ ಪ್ರಿಯಾ ಫೇಸ್‍ಬುಕ್ ಗೆಳೆಯ ವಿವೇಕ್ ಎಂಬಾತನನ್ನು ಪ್ರೀತಿಸುತ್ತಿದ್ದಳು. ಈ ಪ್ರೇಮಿಗಳು ಮನೆಯಿಂದ ಪರಾರಿಯಾಗಲು ನಿರ್ಧರಿಸಿದ್ದರು ಎಂದು ಪೊಲೀಸರು ಹೇಳಿದ್ದಾರೆ.

ಗಾರ್ಮೆಂಟ್ ಅಂಗಡಿಯೊಂದರಲ್ಲಿ ಕೆಲಸ ಮಾಡುತ್ತಿದ್ದ ವಿವೇಕ್, ಮನೆಬಿಟ್ಟು ಪರಾರಿಯಾಗುವ ದಿನ ದೇವಿ ಪ್ರಿಯಾಳನ್ನು ಕರೆತರಲು ಆಕೆಯ ಮನೆಗೆ ಹೋಗಬೇಕಿತ್ತು.ಆದರೆ ವಿವೇಕ್‍ ತನಗೆ ಬರಲಾಗುವುದಿಲ್ಲ ಹಾಗಾಗಿ ತನ್ನ ಇಬ್ಬರು ಗೆಳೆಯರಾದ ಸತೀಶ್ ಮತ್ತು ವಿಘ್ನೇಶ್‍ನ್ನು ಮನೆಗೆ ಕಳುಹಿಸುವುದಾಗಿ ದೇವಿ ಪ್ರಿಯಾಗೆ ಹೇಳಿದ್ದನು.

ದೇವಿ ಪ್ರಿಯಾ ಮನೆ ಬಿಟ್ಟು ಓಡಿಹೋಗುವುದಕ್ಕಾಗಿ ಬಟ್ಟೆಗಳನ್ನು ಬ್ಯಾಗ್‍ನಲ್ಲಿ ಪ್ಯಾಕ್ ಮಾಡಿದ್ದಳು. ಮಗಳು ಮನೆ ಬಿಟ್ಟು ಹೊರಹೋಗಲು ಯತ್ನಿಸಿದಾಗ ಅಮ್ಮ ಬಾನುಮತಿ ತಡೆದಿದ್ದಾರೆ.ಆ ಹೊತ್ತಲ್ಲಿ ಸಿಟ್ಟುಗೊಂಡ ಮಗಳು ಮನೆಯಲ್ಲಿದ್ದ ಕತ್ತಿ ತೆಗೆದು ಅಮ್ಮನತ್ತ ಬೀಸಿ ಹತ್ಯೆ ಮಾಡಿದ್ದಾಳೆ.

ಈ ಹೊತ್ತಲ್ಲಿ ಸತೀಶ್ ಮತ್ತು ವಿಘ್ನೇಶ್‍ ಅಲ್ಲಿಂದ ಓಡಿ ಹೋಗಲು ಯತ್ನಿಸಿದಾಗ, ಸ್ಥಳೀಯರು ಯುವಕರ ಶರ್ಟ್ ನಲ್ಲಿ ರಕ್ತದ ಕಲೆಯಿರುವುದನ್ನು ಗಮನಿಸಿದ್ದಾರೆ. ಆನಂತರ ದೇವಿ ಪ್ರಿಯಾ ಮತ್ತು ಇಬ್ಬರು ಯುವಕರನ್ನು ಪೊಲೀಸರಿಗೆ ಒಪ್ಪಿಸಿದ್ದಾರೆ.ಈ ಮೂವರ ವಿರುದ್ಧ ಪ್ರಕರಣ ದಾಖಲಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT