‘ಬಹುಶಃ ಪ್ರಧಾನಿ ಮೋದಿಯವರೇ ಭಾರತದ ರಾಷ್ಟ್ರಪಿತ’ ಎಂಬ ಡೊನಾಲ್ಡ್ ಟ್ರಂಪ್ ಹೇಳಿಕೆ ಕುರಿತು ಪ್ರತಿಕ್ರಿಯೆ ಕೇಳಿದಾಗ ಮಾತನಾಡಿದ ಜಿತೇಂದ್ರ ಸಿಂಗ್, ಭಾರತದ ಪ್ರಧಾನಿ ಬಗ್ಗೆ ಅಮೆರಿಕದ ಯಾವೊಬ್ಬ ಅಧ್ಯಕ್ಷರೂ ಈ ರೀತಿ ಹೇಳಿಕೆ ನೀಡಿದ್ದನ್ನು ಕೇಳಿಲ್ಲ. ಅಮೆರಿಕ ಮತ್ತು ಅದರ ಅಧ್ಯಕ್ಷರಿಂದ ನಿಷ್ಪಕ್ಷಪಾತ, ದಿಟ್ಟ ಹೇಳಿಕೆ ಮೂಡಿಬಂದಾಗ ರಾಜಕೀಯ, ಪಕ್ಷ ಹಾಗೂ ಸಿದ್ಧಾಂತದ ಎಲ್ಲೆಗಳನ್ನು ಮೀರಿ ಪ್ರತಿಯೊಬ್ಬ ಭಾರತೀಯನೂ ಹೆಮ್ಮೆಪಡಬೇಕೆಂದು ಭಾವಿಸುತ್ತೇನೆ ಎಂದು ಹೇಳಿದ್ದಾರೆ.
