ಪಾಕ್‌ನ ಮೂವರು ಪ್ರಜೆಗಳ ಬಂಧನ

ಮಂಗಳವಾರ, ಜೂಲೈ 16, 2019
26 °C
ಅಕ್ರಮ ಚಿನ್ನ ಸಾಗಾಟ: ₹ 23 ಲಕ್ಷ ಮೌಲ್ಯದ ನಗ ವಶಕ್ಕೆ

ಪಾಕ್‌ನ ಮೂವರು ಪ್ರಜೆಗಳ ಬಂಧನ

Published:
Updated:

ಜೈಪುರ : ಬಾರಮೇರ್‌ ಜಿಲ್ಲೆಯ ಮುನಬಾವ್‌ ರೈಲು ನಿಲ್ದಾಣದಲ್ಲಿ ಪಾಕಿಸ್ತಾನದ ಮೂವರು ಪ್ರಜೆಗಳನ್ನು ಬಂಧಿಸಲಾಗಿದ್ದು, ಅವರಿಂದ ₹ 23 ಲಕ್ಷ ಮೌಲ್ಯದ ಚಿನ್ನ ವಶಪಡಿಸಿಕೊಳ್ಳಲಾಗಿದೆ. 

ಆರೋಪಿಗಳನ್ನು ಕಿಶೋರ್‌ ಕುಮಾರ್‌ ಮಹೇಶ್ವರಿ, ರಮೇಶ್‌ ಪತ್ರ್ ಮತ್ತು ಕೈಲಾಶ್‌ ಮಾಲಿ ಎಂದು ಗುರುತಿಸಲಾಗಿದೆ. ಬಂಧಿತರಿಂದ 100 ಗ್ರಾಂ ತೂಕದ 5 ಚಿನ್ನದ ಗಟ್ಟಿಗಳು, ಬಳೆ ಮತ್ತು ಮೂರು ಉಂಗುರಗಳು ಸೇರಿದಂತೆ 700 ಗ್ರಾಂ ಚಿನ್ನ ವಶಕ್ಕೆ ಪಡೆಯಲಾಗಿದೆ ಎಂದು ಕಸ್ಟಂ ಅಧಿಕಾರಿಗಳು ಭಾನುವಾರ ಮಾಹಿತಿ ನೀಡಿದ್ದಾರೆ. 

ಬಂಧಿತರು ಥಾರ್‌ ರೈಲಿನ ಮೂಲಕ ಪ್ರಯಾಣಿಕರ ಸೋಗಿನಲ್ಲಿ ಭಾರತವನ್ನು ಪ್ರವೇಶಿಸಿದ್ದರು. ಇವರನ್ನು ವಿಚಾರಣೆಗೆ ಒಳಪಡಿಸಲಾಗಿದ್ದು, ದಂಧೆಯಲ್ಲಿ ತೊಡಗಿರುವವರ ಮಾಹಿತಿ ಸಂಗ್ರಹಿಸಲಾಗುತ್ತಿದೆ. ಇದೇ ಮಾದರಿಯ ಘಟನೆ ಶನಿವಾರ ಕೂಡ ನಡೆದಿದ್ದು, ರಾಮಚಂದ್ರ ಎಂಬ ಪಾಕಿಸ್ತಾನಿಯಿಂದ  ₹ 1.50 ಲಕ್ಷ ಮೌಲ್ಯದ ಉಡುಪುಗಳನ್ನು ವಶಕ್ಕೆ ಪಡೆಯಲಾಗಿತ್ತು. ಆತನಿಗೆ ₹ 50,500 ದಂಡ ವಿಧಿಸಿ ಬಿಡುಗಡೆ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.  

ಬರಹ ಇಷ್ಟವಾಯಿತೆ?

  • 1

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !