ಹುಲಿಗಣತಿ ವರದಿ ಬಿಡುಗಡೆ ಇಂದು

2006ರಿಂದ ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ದೇಶದಲ್ಲಿ ಹುಲಿ ಗಣತಿ ನಡೆಸಲಾಗುತ್ತಿದೆ. 2006, 2010 ಮತ್ತು 2014ರಲ್ಲಿ ಗಣತಿ ನಡೆಸಲಾಗಿತ್ತು.2018ರ ಗಣತಿಯ ವರದಿ ಸೋಮವಾರ ಬಿಡುಗಡೆಯಾಗಲಿದೆ. ಹುಲಿ ಸಂರಕ್ಷಣೆಗೆ ಕೈಗೊಂಡಿರುವ ಕ್ರಮಗಳು ಪರಿಣಾಮ ಬೀರಿವೆಯೇ ಎಂಬುದನ್ನು ಈ ವರದಿಯು ವಿವರಿಸಲಿದೆ.

ಈ ಬಾರಿ ಗಣತಿಗೆ 14,000 ಕ್ಯಾಮರಾ ಟ್ರ್ಯಾಪ್‌ಗಳನ್ನು ಬಳಸಲಾಗಿತ್ತು. 2014ರಲ್ಲಿ ಇಂತಹ ಕ್ಯಾಮೆರಾಗಳ ಸಂಖ್ಯೆ 9,735 ಇತ್ತು.

2014ರ ಗಣತಿಯಲ್ಲಿ ದೇಶದಲ್ಲಿ 2,226 ಹುಲಿಗಳಿವೆ ಎಂದು ಅಂದಾಜಿಸಲಾಗಿತ್ತು.2014ರ ಗಣತಿಯಲ್ಲಿ ಕರ್ನಾಟಕದಲ್ಲಿ 406 ಹುಲಿಗಳಿವೆ ಎಂದು ಅಂದಾಜಿಸಲಾಗಿತ್ತು. ಇದು ದೇಶದಲ್ಲೇ ಹೆಚ್ಚು. ಕರ್ನಾಟಕದ ನಂತರ ಹೆಚ್ಚು ಹುಲಿಗಳಿರುವ ರಾಜ್ಯಗಳಾಗಿ ಉತ್ತರಾಖಂಡ (340) ಮತ್ತು ಮಧ್ಯಪ್ರದೇಶ (308) ಹೊರಹೊಮ್ಮಿದ್ದವು. ಈ ಬಾರಿಯ ಗಣತಿಯಲ್ಲಿ ಈ ಸ್ಥಾನಗಳು ಬದಲಾಗಬಹುದು ಎಂದು ತಜ್ಞರು ನಿರೀಕ್ಷಿಸಿದ್ದಾರೆ.