ಒಂದೇ ಹಳಿ ಮೇಲೆ ಎರಡು ರೈಲು: ಸಿಬ್ಬಂದಿ ಅಮಾನತು

ಮಧುರೈ ವಿಭಾಗದ ಕಲ್ಲಿಕುಡಿ ಹಾಗೂ ತಿರುಮಂಗಲಂ ರೈಲ್ವೆ ಸ್ಟೇಷನ್‌ ಮಾಸ್ಟರ್‌ಗಳಾದ ಭೀಮ್‌ ಸಿಂಗ್‌ ಮೀನಾ ಮತ್ತು ಜಯಕುಮಾರ್ ಹಾಗೂ ನಿಯಂತ್ರಕ ಮುರುಗನಂದಂ ಅವರನ್ನು ಅಮಾನತು ಮಾಡಲಾಗಿದೆ.

ಗುರುವಾರ ರಾತ್ರಿ 5.30ಕ್ಕೆ ಸೆಂಗೊಟೈನಿಂದ ಬಂದಿದ್ದ ರೈಲು ತಿರುಮಂಗಲಂ ನಿಲ್ದಾಣದಲ್ಲಿ ನಿಂತಿತ್ತು. ಅದೇ ಹಳಿ ಮೇಲೆ ಸೆಂಗೊಟೈ– ಮಧುರೈ ರೈಲು ಬಂದಿತ್ತು. ರೈಲು ಪ್ರಯಾಣಿಕರು ಎಚ್ಚರಿಕೆ ಗಂಟೆ ಬಾರಿಸಿದ್ದರಿಂದ ಎಚ್ಚೆತ್ತ ಚಾಲಕರು ಕೆಲವೇ ಮೀಟರ್ ದೂರದ ಮೊದಲು ರೈಲನ್ನು ನಿಲ್ಲಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.